Shillong, Jymmang 17 : Ka Dr Ampareen M. Lyngdoh ka kmen ba ka ioh long kyrtong jong ka party na Shillong Parliamentary seat ha ka elekshon Lok Sabha, na ka Seng NPP naba kala ioh lut ia ki jingtip ia kaei kaba jia bad ka bym jia hapoh ka Jylla.
Haba ioh ban iathuh sha ki lad pathai hadien shibnai kynthih ba la kut ka jingthep vote ka Sorkar MDA ba ialam da ka NPP, kam shym la leh eiei na ka bynta ki paidbah ka Jylla ha kine ki hynriew snem bala leit noh ka la leh ia ka kam kaba khraw ban shu kynnoh ba kam leh ei ei ka long kaba bakla kala ban jur ia ka jingdonkam ban iakhun pyrshah iaki bor kiba kam ba ka Sorkar Meghalaya Democratic Alliance (MDA).
Ka Dr. Ampareen ka iathuh ha ka jingiakhun elekshon ka la iuhkjat ha baroh 36 tylli ki Assembly constituency ha ka por ialap elekshon, kala pynpaw ba ka kmen ba ka Meghalaya kala kiew bha ha ka roi ka par.
La nga jop ne rem, Kan lah ban ai jingmut ia ka Sorkar MDA kala bynrap.
Haba kylli, ka Myntri kala kdew ba ka jingbym biang jong kane ka Sorkar MDA ba ialam da ka NPP ne ka Sorkar ha ki snem bala leit noh ka dei ka jingbym pynmih paidbah ia ki kam ba bha ba kila leh. Ka ong ba kan sa shong ia ka jingialang bishar ia kane ka kam bad ka Directorate of Public Relation (DIPR), kaba hap hapoh ka jingkhmih jong ka.
Ka Myntri kala ong ba kala shemphang bha na kane ka elekshon MP bad ong “La nga jop ne shah rem, ka Sorkar kan ioh jingmyntoi bha na ka jinglong kyrtong jong ka. Nga la rung sha man ki kyndong kynshrot jong ka Shillong Parliamentary seat. Nga tip mynta ia kaei kaba ka Sorkar kan hap ban leh. Nga la leit dalade sha man ki jaka”.