Nongpoh 22 Jymmang 2024 – Imat ka Sorkar MDA ka don khmat tang shiliang, Skhor ioh sngew shiliang bad kam kwah ban BHA ki lynti ki syngkien.
Kawei ka Longkmie Kong Bindas Syiem kaba sah ha Umden, Nongpoh Ribhoi kan wan kiew sha Secretariat ha Nongbah Shillong ban shong shah thngan na ka bynta ka jingleh beiñ ka Sorkar MDAiaka Surok Nongpoh – Umden – Sunapur Road ban dawa na ka sorkar ban shna noh.
Ka Surok Umden, Nongpoh Sonapur ka la jot rathai wat u masi u kulai u kdiah kjat.
U MLA ka Nongpoh u Bah Mayral Born Syiem uba long u MLA uba donlang haka Sorkar u la kren bunsien ha Dorbar Iing Dorbar Thawain jong ka jylla haka 7 tarik u Lber 2022 haba wanrah iaka mat halor ka jingshna ia ka Surok Nongpoh Umden Sunapur Road bad u Bah Prestone Tynsong Myntri ka tnat PWD Roads u la ong, ba ka jingpynmang ban pyndep ka surok Umden Nongpoh Sonapur ka long haduh 83.98 klur tyngka, bad la dep ban shna noh ia kane ka surok.
Pynban ka Sorkar pyrdet kaba kwah ban don ka jingioh nong 10 bilian Dollar ka la ieh noh haduh mynta ban sdang ban shna ia kane ka surok, khlem dondak kumta katei ka Longkmie ka la byrngem ban wan sha Secretariat ha ka 24 Tarik Kan kiew Shillong ban shong hakhmat Secretariat ban iakhih shah thngan ha ryngkat ki seng Bhalang kin ai jingkyrshan Lang ia katei ka Longkmie kum Confederation of Ri Bhoi People haka jingialam jong u Bah Pateng Marsing kin kiew Lang.
Katei ka Longkmie kaba la dep shimrai ban iaid shakhmat ban dawa na ka sorkar ban pynkloi noh iaka jingshna ia kane ka surok namar ka jingsyrtok jong ki paidbah kiba don sha kane ka thain kiba leit kiba wan man la ka sngi, khamtam kiba pang kiba shitom.
Ym lah len u MLA ka Nongpoh Konstituensi u Bah Mayral Bond Syiem uba donlang haka Sorkar u la un shimkhia ban iakren sha ka Sorkar bunsien ban pynioh ia ka thain Umden da ka Surok kaba bha kaba yn lah ban pynsuk iaka leit ka wan jong ki paidbah katei ka thain.
Phewse ka Sorkar kam sngap bad la sngewthuh ka jingbym shna ia ka Surok Umden Nongpoh Sonapur ka dei ba u MLA ka Nongpoh um dei na ka Seng NPP wat lada u donlang ha ka Sorkar MDA.
Ka long kaba lehraiñ ia ka Shnong u MLA dang shah ieh shrah ka Sorkar MDA kam kheiñ katno tam lei ki seng Saiñ pyrthei kiba Don ha Liang pyrshah kiba kynther ia ka Seng kaba Synshar ia ka kam pynroi kin shah pynduh.
