Nongstoiñ, Naitung 1: Ka kong Idashisha Nongrang Director General of Police jong ka jylla ka la shim ia ka salute hadien ka jingpyndep їa ka jingshah hikai ha ha Sohpian.
Ka Kong Nongrang haba ai jingkren ka ong ruh ba ki pulit ki don ka kamram kaba khia na ka bynta ban peit їa ka shong suk shong saiñ hapoh ka jylla.
Ka 4th Meghalaya Police Battalion Headquarter kaba don ha Sohpian, ha ka lah sngi u Blei ka la pynlong їa ka passing out parade їa ki 211 ngut ki pulit kiba la pyndep їa ka jingshah hikai pyntbit.
U bah Lakador Syiem Commandant jong ka battalion, u la ong ruh ba ka kynhun jong kitei ki pulit kiba la sdang їa ka jinghikai pyntbit naduh u bnai Naitung 2023, ka long ha kiba bun ki bynta ba jong ka jingtreikam ki pulit kum ka jingpyndonkam їa ki tiar їaleh ban їada їa ka jylla bad ki paitbah. Ki pulit ki la dep shah hikai ruh ha kaba їadei bad ki aiñ ki kanun, kum ha kaba pyntreikam їa ka Crpc, Ipc, POCSO, bad ki aiñ kiba ka sorkar ka dang shu pynmih ban pyntreikam ha baroh kawei ka ri.