Mawkyrwat 2tarik:Kumba 251 ki long iing hapoh mawkyrwat kynthup ruh iaki nongshong iew kiba dei ki nongthang light mynta ka sngi ki la tur sha ophis trei kam jong ka MeECL jong ka Mawkyrwat division ban dawa ba dei ban pynbiang noh iaka bording hadien ba kila shong dum kumba 16 sngi naka jingduh noh jong u tranfarmar, bad ha Kane ka jingmih madan jong u paitbah, kala long kaba sei soh hadien ba u engeneer jong ka ophis u la kular ba un sa ai noh ia u transfarmar ha kine hi ki sngi
U samla mihsalan khar turnia u ba long u nongialam ha kane ka sngi haba kren sha ki lad pathai khubor u la pynpaw ka jingsngew lyngngoh iaka jingmynthi jong kane ka ophis bording u la ong ba balei ka ophis bording ka ap haduh ba u paitbah un da mih madan ban dawa, ba ynda u paitbah u mih madan ka ophis ka kloi pat ban kular ban buh noh ia u transfarmar
Shuh shuh u la ong ka jingmynthi jong ka ophis bording electric mawkyrwat kala ktah iaki khynnah kiba leit skul khamtam ka dei ka half yearly haka jaka ba ki khynnah kin ioh khreh kot biang por, namar ka jing bym don light kila duh noh, kum juh ki nongshong iew namar ka dei ka pdeng iew mawkyrwat kala ktah eh shi katdei iaka kamai ka jih jong ki nongshong iew ruh, nalor kata kiwei kiwei de kum ki bank ki ophis, kiba pyndon kam lyngba jong u ne u transfarmar kila dkoh lut
Haka juh ka por ki nongthang light kila rai ba lada ki jingkular jong u engeneer kim urlong ki paitbah nongthang light kin shim da kawei pat ka sien jam ban pynlong jingiakhih kaba kham tyngeh
Ka sur jong ki nongthang light kila pynrem ruh iaka ophis MeECL mawkyrwat, ba wat la ka dei ka sngi longtrei hynrei ym shlem la lap wat tang u wei u ophisar u ban don ha ophis, ka sur jong u paitbah nongthang light kila ong ka jing bym don ki nongtrei haka ophis kan ktah bad duh nong ruh iaki paitbah kiba wan don kam haka kane ka ophis, haka juh ka por kila kyntu ia kane ka ophis bording, haba dei ka sngi longtrei kin sngew bha ba kin shong haka jaka ba kidei ban shong khnang ba kan ym ktah iaki paitbah kiba wan donkam.