Rah u Saleng A Sangma ia ka mat ILP, ki kam Beaiñ khappud bad kam pynroi ha Dorbar Mang Tyngka

U MP ka Lok Sabha na Tura Parliamentary u Saleng A Sangma u la ieng ban iatai Halor ka mang tyngka ba la wanrah da ka Myntri ka tnad ka Pla Tyngka ka Sorkar India ka Nirmala Sitharaman ha ka Dorbar Mang Tyngka ha Parliament.
U Saleng A. Sangma haba pynsngew ia ki mat jingdonkam ha ka mang tyngka u la ong ka long kaba donkam.
U la ong donkam ka jingshaniah bad ban pynleit jingmut ba ka Sorkar India kan pynleit jingmut ia ka thaiñ shatei lam Mihngi khamtam ia ka Jylla Meghalaya.
U la ong ka Sorkar India ka donkam ban wad ki lad ki lynti ba ki paidbah ka ri ka donkam ban im
Ha jingai jingkren ka Myntri Kan Pla Tyngka ba ka mang tyngka baroh kawei ka kham hiar na ka deficit kumba 5.1% na kaba ju long 4.9%.
Utei u MP na Tura Parliamentary u la wanrah ia mat iakren ia ka jingdonkam jylla Meghalaya ia ka jingdonkam ban pyntyllun ia ki kam pynroi.
Ka mat kaba u pynsngew ka dei ka jingeh jong ka Jylla Meghalaya ia ka mat jingiada ia ki trai muluk kum ka ILP bad ka KTIEN KHASI ban ioh jingithuh noh.
Ha jingioh lad u Saleng A Sangma ban kren ha Iing Dorbar Thaw Aiñ ka Ri u pynsngew ia ka jingkynduh mawsiang ka jylla na ka Jingwan rung beaiñ ki mynder namarkata donkam ia ka Khydop talasi.
U iathuh ka Jylla Meghalaya bad ki Jylla Shatei lam Mihngi ka iakynduh ia ki kam khaii Beaiñ ha ki khappud India bad Bangladesh kum ki Drok, ka shini bad kiwei kiwei