[1:27 pm, 6/8/2024] Carmel Antor: Ka Bangladesh mynta ka don ha ka jingkynad kaba jur ha kaba ka Prime Minister ka Sheikh Hasina ka la hap ban risain bad phet krad sha India ban lait na ka jingma, hadien ba da ki lak ngut ki paidbhur kila kyndang ia ka jaka jongka.
U symbud myntri rangbah ka jylla u bah Prestone Tynsong ula pyntip ba ki don 9 Battalion ki BSF kiba la wan kyrpang ban pahara ha khappud ka Meghalaya hadien ba la mih ka jingjia ha Bangladesh.
Ha kajuh ka por, ka sorkar Meghalaya ka la pynjari korphiw ha baroh shi lynter ka khappud bad ka Bangladesh naduh 6pm haduh 6am hapoh 200 metre shapoh India na u rishot mawpud ne u zero line ka India bad ka Bangladesh.
Na ka Liang ka Sorkar Jylla ka la phikir bha khamtam hadien ka jingkynrum kynram ha Ri Bangladesh ha ki nongshong Shnong katei ka la rung shaduh jaka sah jaka thiah ka Prime Minister ka Sheihk Hasina ban risain bad phret krad syndon sha India mynta ka sngi.
Kumta ka Shnong khappud ka jylla ka phikir bha kumba ka janmiet 5 tarik Nailar 2024, la ioh khubor ba ki briew na Bangladesh ki la wan kiew kum ki kber da ki lieng bad torch light bad la suba jur ba ki thmu ban khlong maw na wah Umngot shajan Dawki.
Ha ka video kaba la ioh ring ki briew na India kiba sah ha katei ka thain Dawki, Umsyiem, la iohi ba ki ding torch light kila khih khriak rik rik ba tbeh ki briew kiba wan na Bangladesh da ka lieng.
ki briew ka thain Umsyiem, Dawki ki la pyntip ia ki BSF halor kane ka jingjia.
Kiwei ki lad khubor, ki iathuh ba ki shipai ki la poi mynta ka janmiet, kumba 120ngut eiei ha ka shnong Nongtalang, harum jong ka Amlarem Sub Division, kum shi bynta, na ka jingpahara ia ka khappud bad ka Bangladesh.
Ban tem ia kano kano ka jingjia kaba lah ban klang ding sha ka ri India, ka sorkar India ka la phah ia ki shipai bad mynta ka sngi da ki phew kali ki shipai kila wan shna ktem ha Nongtalang, West Jaintia Hills kaba don marjan ka khappud ka India bad ka Bangladesh.
Kane ka jingwan poi ki shipai India ha ka thain khapppud ka la long ban iada ia ki briew jong kane ka ri na kano kano ka jingshah hiar thma na shiliang pud
[4:26 pm, 6/8/2024] Carmel Antor: Ka general meeting jong ka UDP kaba la long mynta ka sngi ka 6 tarik u Nailar, ka la ioh ban ia tai shibun ki mat, khamtam haba ia dei bad ka jing shah rem kput jong ka MP election kaba dang shu dep, ha kajuh ka por na bynta ka election shiteng samoi ha Gembegre Constituency. Khamtam haba ia dei ka election MDC jong ka KHADC bad JHADC ban sa long
Shuh shuh u la ong ruh ba ka party ka la long kaba pynkhreh na bynta ka election MDC ka ban long shen, ka party ka lah don ki jaka ba ki MDC ki lah don, don ruh kiba kin sa jied ha kiwei pat ki constituency da ki briew kiba biang.
U la ong ruh ka jingrwm ha ka mp election na ka daw ka jingkynnoh ba ki donlang bad ka sorkar MDA 2 ka dei tang ka jingpynsngewthuh bakla da mano re mano