Kawei ka long kmie kala iam bad bynniaw ha khmat jong u myntri rangbah u Conrad K Sangma ha ka Sngi leit jngoh ban iakynduh paidbah ha Laskeiñ Block myn ha ka 8 tarik u Nailar.
Ka longkmie hapdeng ki paidbah bad ki Ophisar tnad Sorkar kiba donlang kaba pynsngew ia ka jingsniew ka surok sha ka shnong Iooksi kaba hap hapoh jong ka Laskein C&RD Block namar kane ka surok na Umsaliat kala sniew rathai mynta la palat 20 snem.
Na katei ka longkmie ka la bynniaw ia ka jinglong jingman ka dong ka thaiñ Laskeiñ Block ha ki kam pynroi bad u myntri rangbah ka jylla ia ki paidbah lyngba ka CM-Connect kaba la pynlong ha Laskein Block kala ong ba la kular na ka por sha ka por ban shna noh ia kane ka surok hynrei haduh mynta ka dangjot sah, la pynsngew ka long kmie.
U bah Commingone Ymbon ba dei ruh u myntri ha kane ka sorkar kaba mynta, haba jubab ia katei ka jingpynsngew ka long kmie la ong ba mynta la ioh ia ka jingmang pisa bad shna noh ia kane ka surok kaba 2.5 km.
U Myntri Rangbah ka jylla u Conrad K Sangma haba jubab ia ki jingpynsngew jong ki paidbah la ong ba un sa leh ia kaei kaba kila pynsngew sha ki paidbah kiba la wan ban ia shim bynta ba ki surok ki dei ki jingeh kaba ki paidbah ki ia kynduh.
Kawei pat kaba ki paidbah ki ia kynduh jingeh ka long ha kaba ia dei bad ka koit ka khiah ki lat jingsumar, ka jingeh bym biang ki jingbam ban tei met bad ka jingeh ha kaba pyntrei kam ia ka shim ring um sha ki iing na ka JJM bad kiwei de.
Kane ka CM-Connect ka long ba u myntri rangbah ka jylla yn ia kynduh mar khmat badki paidbah ban sngap ia ka jingeh kaba ki paidbah ki don ban pynsngew haba ia dei bad ki kam pynroi, haba ia dei bad ki surok la ong ba dng dong 1600 tylli ki shnong bym pat ioh surok. Ka thong jong ka sorkar ka long ban pynioh surok ia baroh ki shnong lyngba ka PMGSY