U Nongwad RTI u donbor ban jurip ia ka Surok bym treikam namar ki kontraktor ki biang tiar tang ha ki kot jingthoh

U Bah Disparsing Rani U nongwad ia ka hok jingtip ne Right to Information (RTI) u la pynpaw ka jingbitar ia ka Sorkar bad ki kontraktor kiba ju pyntreikam kam ia ki projek sorkar kum ka Surok namar jingsah khongreng kiba bun ki surok ha kiba hun ki jaka, ka dei namar ba ki kontraktor kiba ioh kam, ki dei kiba shu rynkohg klas khlem pat pass bad shemphang.
Utei u Rangbah nongwad ia ka hok jingtip ne ka surok na Mawphlang sha Weiloi, bad kumjuh ka surok na Umlyngka sha Mawklot, ki suki bad dang sah khongreng haduh mynta, namar ba ki kontraktor kim don ki mashin kiba biang watla ha ka jingthoh ki pynbiang thik thik.
U la ong ba ka surok na Umlyngka sha Mawklot kane ka surok kam shym la iaid la shi snem tam bad bun ki briew kila mynsaw ba shu siang maw khlem don rong eiei bad ki syrok hi shoin ban iaid na katei ka jaka.
U bah Disparsing u la ong ba ka jingshna pynheh ia ka Mawphlang sha Weiloi kam dei ban duna ia ka 3 metre shiteng, nalor ka jingshna ia ki nala, ka jingrben ban siang rong bad kiwei kiba dei ban leh katkum ka jingthew thik pa thik, hynrei kaba lyngngoh ka long ba ka surok na Mawphlang sha Tyrsad ka la jot noh hadien ba la shna katto katne bnai.
U la pynkhreh ban ujor ejahar ia kiba bat ia ka RTI namar ba da ki spah tylli ki RTI kiba u la pan na ki ophis sorkar, ki khlem ai ia ka jingtip ha ka por kaba biang.