Shillong, Nailur 19 : I heprit Erika Thabah ba dang 5 snem bad ka longkmie tip kyrteng da I kong Niancy Riahtam ki la duh ia ka jingim ia ka ym tip namar la iohi ia kitei ki Arngut ba ka met jong ki ka per ha sla um jong ka wah Umshing kaba don ha ka thain Mawiong Macdonald Road.
Na ka Liang ki Pulit ka Mawlai Police Station, mar synioh jingtip kila lap ia ka metiap jong ka Longkmie bad itei i khyllung ki la sei noh ia ka met bad leh ia kaba donkam katba dei ka Aiñ.
Ia ka met i khyllung bad ka kong Niancy Riahtam la lap ki briew kiba iohi ia ka metiap jong kine ki arngut kaba la per ha sla um hajan ka jingkieng kaba pyniasoh ia ka Mawiong sha NEHU. Ia kane ka metiap la lap ha ka por 1 baje nohphaisngi.
Kine ki arngut ki dei kiba la jah rngai naduh ka 18 tarik Nailur da I kong Niancy Riahtam bad I Erika Thabah ba dang 5 snem. Kine ki dei kiba shong basah ha Dong Tariang A, Mawiong Umjapung.
Ka khubor ki pulit ki iathuh katkum ka jingithuh ki Pulit, la iohi khatduh ia kine ki arngut ha ka por 2 baje janmiet jong ka 18 tarik ha Mawiongrim ISBT.
Ha ka jingtrei shitom ki pulit ka Mawlai ki la lah ban sei noh ia ka met ban pynlong ia ka jingtohkit.
Ia ka met jong ki Arngut la pynkit noh sha NEIGHRIMS ban leh post mortem.