Ka jingdon ki cement factory ha elaka Narpuh ka ktah ia ka mariang ki tyllong umbam um dih Pyrshah ka KSU

U President ka KSU Narpuh Cirle u Bah KS Suchiang u la pyntip ba ka KSU Narpuh ka pyrshah jur ia ka jingioh NOC ka M/S MeghaTop cement ban buh ia ka cement Factory ha Narpuh namar ba u Dolloi ka elaka Narpuh um shym pat ai ia kata ka NOC hynrei tang ka provisional NOC haba iakren sha ki lad pathai khubor ha Shillong Press Club myn ha ka 20 tarik u Nailur.
Ki dkhot ka KSU Narpuh ki iathuh na ka liang ka m/s meghaTop cement ka la leit sha ophis JHADC ban ioh ia ka NOC, da ka jingpyni jong ka m/s MeghaTop cement da ka NOC Provisional na u Dolloi jong ka Elaka Narpuh.
U President ka KSU Narpuh u iathuh ba ka Elaka Narpuh kan pynlong ia ka Dorbar ha ka 23 tarik Nailur 2024 ban iakren ia kane ka mat haba iadei bad ka jingioh NOC ban buh cement factory ha Narpuh.
Kaba lymgngoh ba na ka liang ka Pollution Control Board ka la buh ban pynlong ia ka Public hearing ha ka 18 tarik Risaw 2024 khlem pat ioh ia ka jingmynjur na ki shnong Elaka Narpuh.ka KSU ka pyrshah jur bad dawa na ka meghalaya pollution control board ne na ki ophisar bam dei ban ailad shuh ban don ki cement plan ha ka thain Narpuh bad ban nym ailad ban tih mawshun ha ka thain Narpuh baroh kawei namar ka wanrah ia ka jingjot jong ka mariang ha katei ka thain.
Ka jingdon ki cement factory ha ki thain elaka Narpuh ki ktah shibun ia ka mariang haba iadei bad ka jingrngad ki tyllong umbam um dih ka jingjaboh jong ka mariang balei kita ki ophisar jong ka tnat forest bad environment kim iohi.