Ka Jylla ka donkam ia ki Pharmacist katba ka SORKAR kam phikir Shem jingeh ki paidbah ha ki PHC, CHC

Nailur 24: Ki samla wad kam sorkar ha ka laiñ pule Pharmacist hapoh ka Jylla ki la leit ai dorkhas sha ka Myntri ka tnad Koit ka Khiah ka Dr. Ampareen M Lyngdoh myn ha ka 24 tarik u Nailur.
Na ka Liang u samla Emos John Syiemlieh, u Nongialam ka kynhun ki samla pule Pharmacist u iathuh ba ka jingkyrduh kam naka bynta kito kiba la pyndep iaka jingpule Pharmacist kadei namar ka jingbym treikam bha ka Pharmacist Council jong ka Jylla kynnoh ki samla.
Hadien ka jingkynduh iaka Myntri ka tnat ka koit ka khiah Kong Ampareen Lyngdoh ka kynhun ki samla pule Pharmacist hapoh ka Jylla haba kren shaki lad pathai khubor u samla Emos u la iathuh ba haka jingiakynduh iaka Myntri kila iakren halor ka jingkyrduh kam ki samla kiba la pyndep ia ka jingpule Pharmacist, baka Pharmacist Council kala don naduh 1992 hapoh ka Jylla hynrei haduh myntaka Tnad ka Koit ka Khiah kam pat pynthymmai iaki dkhot bad ki nongkitkam hapoh ka Council.
U la pyntip ba ki samla pule kila kyntu iaka Myntri ban thungkam Pharmacist hapoh ki CHC, PHC bad haka juh ka por ban thaw daka Pharmaceutical Industry hapoh ka Jylla.
“Ka thong jong ka Pharmacist Council ka dei ban bishar iaki dawai, naduh ka jingshna haduh ka jingdie bad ka jingdih iaki jait dawai” ong u samla Emos.