Shillong, Risaw 18: Ka MAWKYNREW SOHPHLANG ECO-CULTURAL INDIGENOUS SOCIETY ha ka sien kaba ar kan pynlong iaka tamasa bam Sohphlang haka 25 bad 26 tarik u bnai Risaw 2024 haba iakren sha ki lad pathai khubor ha Shillong Press Club
u president u bah Pynbianglang Kshiar ula pyntip ba ia kane ka tamasa bam Sohplang yn pynlong hapoh Jongksha ha ki ar Sngi ka thong jong kane ka tamasa kadei ban kyntiew ia u Sohplang u badei ruh u jingbam tynrai jong ki paidbah ka thain Rilum Khasi-Jaintia.
U bah Pynbiang ula iathuh ba kane kadei ka ar ba nyngkong eh hapoh Meghalaya ban pynlong ia kane ka tamasa ban kyntiew ia u Sohplang ka ban nang pynshlur shuh shuh iaki nongrep ban rep ia une i jait jingbam.
“Ia kane ka tamasa bam Sohplang yn bei tyngka daka tnat Tourism ka sorkar jylla bad u Dr. Vijay Kumar Commissioner Secretary Tnad Tourism ka
U bah Pynbiang ula pyntip rug ba ha kane ka tamasa yn pyninam ruh ia kiwei ki mar rep kum u soh Strawberry, u Krai bad kiwei kiwei de ki jait jingbam ba pynmih hi da ki nongrep bad ki paidbah ka thain Mawkynrew.
Ula pyntip ba ha kane ka sngi kan pynieng bun tylli ki Stall ban pyninam iaki mar rep, ki jingbam tynrai bala pynkhreh daki paidbah ka thain ha kaba u Myntri Rangbah ka Jylla un donlang bad ka Myntri ka tnad Kam rep kan donlang.
Haba batai kham bniah ia u Sohphlang mynta u snem ba ka Society kan leit pyni nam sha Nongbah Delhi ha kaba u Myntri Rangbah ka Jylla un long u nongialam lynti ia u Bah Carmel Lyngdoh Nongaibuit ka Society.