Shillong, Risaw 17 : Ka elekshon shiteng samoi na Gambegre kan long 13 tarik u Naiwieng bad ka jingniew Vote kan long ha ka 23 tarik u Naiwieng katkum ka jingpynbeit ka ECI.
Na ka bynta ki seng saiñ pyrthei ki ban iakhun elekshon na katei ka Konstituensi ka Seng Kongress ka pynieng ia u Jingjang M Marak nongbud u MLA barim bad MP ka Tura Saleng A Sangma, kum u kyrtong ban iakhun.
Ha ka jingpynbna kyrteng ia u kyrtong ka All India Congress Committee (AICC) ka dei ka jingmynjur Lang da u President ka AICC Mallikarjun Kharge.
Lah ban kdew ba ka elekshon shiteng samoi ka dei kaba la pynlong namar ka jingiehnohkam jong u MLA barim Saleng A Sangma hadien ba ula jop kum u MP ka Lok Sabha na Tura.
Na ka bynta ka NPP ka pynieng ia ka kurim jong u Conrad K. Sangma ka Mehtab Chandee A Sangma katba ka TMC kala pynieng ia ka MDC Sadhiarani M Sangma kaba dei ka kurim u MLA barim Zenith M Sangma bad para kynsi u Dr Mukul Sangma.

Please Share this news

Leave a Reply

Your email address will not be published. Required fields are marked *