Shillong, Sep 13: Ka Meghalaya SSA Schools myn ha ka 21 tarik ka la leit ban iakynduh ia ka Myntri ka tnad Kam Aiñ ka Jylla ka Dr. Ampareen M Lyngdoh halor ka mat ban ai jingithuh noh kum ki nongtrei sorkar iaki 12,541 ngut ki nonghikai SSA ha ka Jylla iathuh u President Bah Arestotle Rymbai myn ha ka 21 tarik u Risaw hadien ka jingiakynduh ia ka Myntri.
U President u iathuh ka tnat Pule Puthi ka Jylla ka la tyrwa nanrah sha ka jingialang jong ka kynhun Myntri Sorkar ha ka 23 tarik u Risaw.
U Bah Aristotle C Rymbai u la iakynduh ia u Director ka tnat Pule Puthi u ba dei ruh u State Project Director jong ka SSA, Swapnil Tembe ha ka 10 tarik u Nailur bad hadien ba ngi la ia kynduh ia u Commissioner & Secretary Vijay Mantri ha ka 19 tarik u Nailur, baroh 2 ngut ki la pyntip sha ngi ba ka Sorkar Jylla ka dang pynkhreh ia ka Cabinet Memorandum na ka bynta ban ai jingithuh ia ki jingshakri lane ban pyniasoh lang ia ki nonghikai SSA na ka State Implementation Society sha ka tnat Pule Puthi” la ong u Bah Aristotle.
U Bah Aristotle u la iathuh ba ki mat ba iadei bad ka jingdawa ban pynkiew tulop bad ban pynlong ryntih ia ka jingshakri jong ki nonghikai SSA la rah ha kane ka jingialang jong ka GEC.
Kumta ngi kyrpad ïa baroh ki nonghikai SSA ba kin ïa poi sha katei ka jingïalang khnang ba ngin lah ban shim ïa ka rai kaba khatduh halor kane ka kam” u la ong.
Na ka Liang ka Association (MSSASA) ka la Kyrmen ban shim ia ka rai halor ka rai jong ka sorkar jylla ban buh ia ka jingtyrwa ban pynkiew ia ka tulop jong palat 12,541 ngut ki nonghikai SSA ha kylleng ka jylla.