Ka jingpyllait ia ka lynti kam don bynta bad ka mat them metor Ka Sorkar ka leh ia kaba donkam Paul Lyngdoh

U Myntri ka tnad Tourism u Bah Paul Lyngdoh u iathuh kam don ka jingsheptieng ei ei ia ki paidbah wat lada ka sorkar ka la weng ia ka jingkhang lynti na Them Iew sha Bimola lyngba ka jaka sah jong ki Harijan haba iakren sha ki lad pathai khubor hadien ba la wai ka jingialang kynhun Myntri myn ha ka 5 tarik u Naiwieng.
Ka Deputy Commissioner East Khasi Hills District ka Kong R.M. Kurbah kaba la dep hukum myn ha ka 30 tarik u Risaw ba la pyllait biang ia ka Surok Them Metor ban iaid paidbah myn ha ka 4 tarik u Naiwieng.
Na ka Liang u Bah Paul Lyngdoh u pynsngew ha kane ka mat ban plie na katei ka jaka la iohi ia ka jingshisha ba ka don ka jingpynslem hynrei ka sorkar kan dang Bishar bniah ha kawei ka Liang ka long ka kyndon na ka bynta ka jingpynbha. Ngin sa leh ia ki jingdon jingdonkam.
Ban Ong ba ki paidbah ki pynpaw ia ka jingsngew tieng ba ka rai jong ka sorkar ban plie biang ia katei ka lynti ban pyllait na ka dheng kali.
Shuh shuh ka sorkar kaba shim ia ka rai ban pynkynriah jaka noh ia ki Harijan ka dei ka da kawei ka ka mat bad ia ka jaka sah jong ki ka sorkar ka la tip Halor kane ngin sa pyrkhat ia ka rai kaba treikam ha kaba iadei bad ka jingkhapngiah kali iathuh u Bah Paul.
U bynrap ruh kiei kiei kim long ha ka rukom kata ka jaka ka dei ka jaka ba don jingeh. Hynrei mynta ba la weng noh ia kata ka dur da kaba pynlong thikna ia ka jingleit jingwan jong ki briew bad ki nongleit nongwan bad ki kali ha kata ka jaka kan pynsuk ia ki paidbah.