Phah ka sorkar 2ngut ki ophisar sha Karnataka ba iap u khynnah na Meghalaya.

Shillong, Lber 17 : Phah ka sorkar jylla ia arngut ki Heh Ophisar ka Tnad Pule Puthi ba kin leit sha Karnataka bad iatreilang bad ki bor District halor ka jingiap uwei u Khynnah skul 13 snem na Meghalaya na ka jingngat bih.
Shuh shuh la iohjingtip na u Khynnah skul u dei uba tip kyrteng kum u Heprit Kerlong ba na ka Shnong Lyndem, Pynursla Sub Division.
Ha ka jingsuba ba ka dei ka jingbam, uwei u khynnah shynrang uba dang 13 snem ka rta u la khlad noh, bad 28 ngut kiwei pat ki khynnah jong ka hostel beain ba la pyniaid da ka skul shimet ki la shah sumar ha ka sngi U Blei hadien ba ki la ud ia ka jingpang kpoh hadien ba ki la bam ia ki jingbam ki ba la sah na ka jingialeh kmen Holi, la iathuh ki pulit.
. kane ka Hostel ka dei ba treikam be-ain jong ka skul shimet kaba don ha ka Shnong T Kagepra ha Malavalli Taluk jong ka Mandya District.
Napdeng kine ki 28 ngut ki khynnah ba shitom la iathuh ba 24 ngut ki dei kiba na Jylla Meghalaya.
Kine ki arngut ki Ophis ki dei u Bah P Sunn, Sub Inspector of School, Sub Divisional School Education Officer, Shillong bad u bah R Kharsyntiew, District MIS, PM-POSHAN, Shillong.