Shillong, Lber 27 : U MDC ka Rambrai Jyrngam u Bah Lurshai Kharbani u la buh jingkylli ia ka EC thymmai jong ka VPP ha ka Dorbar Mang tyngka jong ka KHADC myn ha ka 27 tarik u Lber halor ka jingdon ka Khyrdop lum bai musur beaiñ ha u Pud u Sam ka KHADC
Da kaba bynrap halor ki check gate beain kiba treikam hapoh u pud u sam ka Rambrai-Jyrngam constituency pynsngew u Bah Kharbani.
Haba jubab ia ka jingkylli u EM ba khmih ia ka Tnad Tax Bah Winston Tony Lyngdoh haba jubab hapoh ka Iingdorbar hynne ka sngi Palei u iathuh ba un sa pan kaiphod halor kane ka kam.
U pyntip ka KHADC kala ioh lum palat T. 26 lak ka khajna na ki 16 tylli ki khyrdop ba don ha u pud u sam jong ka hapdeng u snem 2024-25.
Shuh shuh u EM u pynsngew haduh 16 tylli ki khyrdop, ki licence jong ki 7 tylli ki khyrdop kin sa kut noh ha ka 31 tarik Lber 2025 katba 9 tylli kila aplai ban pynthymmai.
Kiba la bynrap Lang ia ka jingkylli khyrdop ki kynthup ia u Bah Synsharlang Kupar Roy Lyngdoh MDC Sohiong u Bah Titustarwell Chyne.
“Hynrei, ka EC kan sa shong bishar ia ki aplikeshon jong ki hashuwa ba kan shim rai ia kane ka kam” kular u Bah Lyngdoh.
U Bah Tony u iathuh kine ki khyrdop kila lum T. 500 na kawei ka kali heh, T.300 na ki kali pdeng bad T.100 na ki kali rit. u Bah Lyngdoh u pyntip ba ki don 4 tyli ki check gate ka Council ia kaba artylli ki don ha Ri-Bhoi bad 2 tylli ha East Khasi Hills District.