Shillong 01 Iaiong: hadien ba ka seng HITO Mawryngkneng circle hynnin ka sngi jong ka 31 Tarik Lber 2025, ka la leit ban check ia katei ka Check Gate, ba la ioh ka jingujor na ki nongshong shnong ki ba iaid lyngba ka surok bah ha ka shnong Puriang, ba kadon ka jinglum beain na ka Check Gate Forest KHADC. Myn ha ka 1 tarik u Iaiong ka HITO ha ka jingialam u Bah Donbok Dkhar President ryngkat ka jingsynranlang ka HITO Mawryngkneng circle ka la leit ban iakynduh ia u bah Wingstone Tony Lyngdoh, u EM ba dei peit ia ka tnad Trade and Enforcement Labour bad Revenue, halor ka jinglum pisa beaiñ ka Gate Forest KHADC. Ka HITO ha jingiakynduh bad u bah Wingstone u EM ka Trade, na ka liang jong u, u la phah bad leit iakynduh ia u CEM namar kane kadei kakam ban iakren bad u.Ha ka jingiakren u President u bah Donbok Dkhar sha ki lad pathai khubor la iathuh u kadon ka jinglum pisa beaiñ haduh 5000 tyngka na ki kali ba kit ia u rnga na ka tnad Forest.Ba kitei ki ba lum pisa ha Check Gate kimdei ki nongtrei jong ka District Council , hynrei kidei ki ba la shu shimwai na ka District Council, nalor kata ka seng ka la dawa ruh, ba lada jia ba don ki nongtrei jong ka District Council ki ba donktilang ha katei ka kam, kidei ban pynshitom. Hadien ba u CEM u iathuh ba la weng bad pynkut ia ka jinglum u CEM u la kular, ban nym ai wai shuh ha ki riew shimet ban lum pisa. Bad naduh mynta ka sngi ia ka Tnad Forest yn shimti noh beit da ka District Council. ka seng kan nangiai buddien shuh shuh ia kane ka kam bad ka seng kan sa ai ruh da ka FIR, namar ka jingleh jongki ki briew ba lum pisa beaiñ kadei ka jingioh ujor na ki khynnah skul ba iaid na Kato ka jaka bad khamtam eh na ki ba wan bylla.
