Duh leit skul bad jingmyntoi ki paid khappud bym don adhar epic namar ka sorkar bym pynbeit pud.

Shillong – Imat ka ishu jingpynbeit pud pynbeit sam kam poi shuh shuh shaei shaei ka shu beit tang ha ka rah shithi ne leit kynduh heh sorkar wat la ka sorkar ka la thung da ka Regional Committee.
Na ka liang ka Hynniewtrep Border Disputed Redressal Forum (HBDRF) myn sngi Balang, ka iathuh ba kan nym pdiang satia ia ka kaiphod jong ka Regional Committee ba iapynbeit khappud halor ka Block-I namar ba kam pat ju leit jurip ia ki shnong ki thaw iathuh u Ma Chandrame Sungoh dkhot ka Forum.
Shuh shuh ka Forum kaba la pynher kaba la pynher dorkhas la bunsien sha ka Sorkar khamtam ia ka Block I, II naduh u Myntri Rangbah ka Jylla Conrad K Sangma, bad sha ki myntri sorkar.
Ka kyrwoh ba la phah bad mih ha ki lad pathai khubor la pyntip sha ki ba ka Sorkar kala jan dep artad ia ka jingiakren pynbeit pud ka wat ba-ar bad ka Assam. La iathuh ba ka Regional Committee ka Block-I, ka la pynkhreh ia ka kaiphod ban aiti noh sha ka Sorkar. Hynrei, ngi kwah ban pynpaw ia ka jingsngewkhia bad jingbym hun ia ka rukom treikam Ka Regional Committee namar la tip ba ka Regional Committee kam shym la leh ia ka jingjurip ia ka jaka haduh kine ki sngi, kaba lah ban pynkulmar lut ia ki jingshisha kat kum kaba dei hok.”
Ka HBDRF ka pan por ban iakynduh ia u Myntri Rangbah ban iakren ia ki jingshisha bad ki kot ki sla jong ka thain Block-I.
Ha kawei ka liang u Ma Chandrame Sungoh dkhot ka HBDRF u iathuh ka jingeh ki paid khappud Block I mynta ka dei ka Psiar bad Khanduli Sector ba ki duhlut ia ki jingmyntoi namar ka sorkar ka kuman shuh shuh ku duhnoh ia ka hok ban ioh adhar card bad ki epic don ruh ba ki duh ban leit skul bym don sertiphiket.
Ka daw bym ioh skul bym leit thep vote ym don epic bad ki skul kiba dei jong Meghalaya la klun da ka Assam ba la sah da ki jaid bynriew Karbi bad ka Forum ka la khang ban leit thep ha ki ar elekshon.