Shillong, Meghalaya – Ka Yummy Noodles, ka brand kaba don ki tynrai ha ka jylla Meghalaya, ka la pynkut ia ka tamasa Yummy Talent Fest kaba nyngkong eh jong ka.
Ha ka entertainment category, ka nongjop ba nyngkong i dei i nongrwai Ariana Syiem, ha ka kyrdan ba ar lah ioh bat da i Mewan Aikupar Ryntathiang iba dei i nongrwai rap, ka kyrdan ba lai ka leit sha i Daphilakhamti Mary Pyngrope ha ka thup jingrwai.
Ha ka creativity category, ka kyrdan ba nyngkong ka leit sha ki kynhun Garry & Rimeca haka thup Cosplay, Pynkitbor Kharbani iba dei Sketch Artist i wan ha ka kyrdan baar, i nongthain jingthain (crochet artist) Cuty Kharbuki i wan kyrdan ba lai.
Da ka jingïoh khusnam kaba T.2 Lak tyngka, kane ka jingïalang ka la long ka dak kaba kongsan ha ka jingïaid lynti jong ka Yummy Noodles ban pynkupbor ïa ka imlang sahlang lyngba ki sap ki phong bapher bapher ba ki briew ki don.
Ia ka Yummy Talent Fest la pynwandur ia ka kum ka rynsan ban ithuh bad nang pynkhraw ia ki riew don sap ka jylla. Kum ka nongshna Noodle – Ready-to-Eat Noodle ba nyngkong na India, ia kaba don ruh ka karkhana bad ki nongthied kiba bun tam ha Meghalaya, ka Yummy Noodles ka la wad ki lad lynti ban ai biang sha ka imlang sahlang kaba la kyrshan ïa ka naduh u snem 2008.
Lah don kumba 20 ngut kiba poi sha ka final bad lah wan kumba 600 ngut ki nongwan peit ha ka U Soso Tham Auditorium. Ia kine ki 20 ngut lah shah jied na kiba wan shim bynta kiba long haduh 142 ngut.
In the months leading up to the finale, participants were featured on social media to help them gain national recognition and celebrate their unique voices and skills.
Ha ki bnai shuwa ka finale, la pyni ia ki nongiashim bynta ha ki rynsan social media ban iarap ia ki ban ioh ia ka jingithuh na ka ri India ban pyni ia ki sur bad ki sap ba kyrpang jong ki.
Rithika Baruah, Chief Marketing Officer of Yummy Noodles, ka lah ong, “Ngi sngew sarong haduh katta katta ban pynlong ia ka Yummy Talent Fest. Ka thong jong ngi ka long ban thaw ia ka rynsan ha kaba lah ban ithuh bad pyni ia ki sap ba la buhrieh jong ka Meghalaya. Ka jingiatreilang jong ka imlang sahlang ka la long kaba phylla, bad ngi sngewkmen ban don bynta ha kaba pyni ïa ka jingstad kaba don hapoh ka thaiñ. Kane ka dei ka rukom jong ngi ban ai kylla pat sha ka imlang sahlang da kaba nang kyntiew ia ki pateng kiba wan kiba tbit ha ka put ka tem.”
