Shillong 24 Iaing – U Myntri ka tnad Social Welfare u bah Paul Lyngdoh u la ai jingiaroh ia ka Bethany society Laitumkhrah namar ki kam syniang ia ki khun kiba don jingduna ha ki dkhot met.
. U Bah Paul haba iaroh ia ka Bethany society bad ia ki kam jong ka, ha ka iew iadie iathied ia ki mar ki mata ba la shna bad pynmih da ki khynnah skul Bethany.
Ka Iew iadie iathied jong ka Bethany Society, Shillong ryngkat ka jingiatreilang bad ka EnAble India, ki pynlong ia ka Iew “Hat Jingkyrsiew” ha Bethany Society Compound Laitumkhrah ka 24 Iaiong 2025.
Ka Purple Event – “Hat Jingkyrsiew” (Jagruthi Mela) 500 ngut ki briew kiba don jingduna ha ki dkhot met (PwDs) ryngkat bad kiba ha iing ha sem ki iashim bynta.
Ka Hat Jingkyrsiew ka dei ka rynsan kaba kyrpang kaba pynïasoh lang ïa ki nongshim bynta bapher bapher kiba ïadei bad ka mariang jong kiba duna dkhot met. Ka jingïalang ka thmu ban ai ïa ki jingtip bad jingtip kiba kongsan halor ka jingpule, ka jingtbit, ki skhim sorkar, ki prokram ai jinghikai, bad ki lad kamai na ka bynta ki PwD.
Ka C.D. Lyngwa, MCS, Director of Social Welfare ka la don lang ban sakhi.
Bad ka kong Bertha G. Dkhar Executive Director ka long ka Nongpyniaid ia katei ka jingialang.
Ka kynthup ia ki cell ba iadei bad ki jingpyni kiba pynleit jingmut ha:Ka jingiarap kaba kloi kaba kynthup lang – Ka jinghikai – Ka jingbha jingmiat ha ka imlang sahlang – Ka jingsumar ia ka koit ka khiah – Ki lad jingpynbeit ba iarap
Ki Hok bad ki Jingbit katkum ka Ain – Ka jingtrei shimet – Ka jingtrei ba siew bai bylla – Ki khana jong ki nongjop
Garv Se Bazar (ka iew kaba rakhe ia ka jingseng kam seng jam da ki PwD)
Katkum ka Khanasumari jong u snem 2011, ka Jylla Meghalaya ka don haduh 44,317 ngut ki briew kiba don jingduna ha ki dkhot met. Ka don ka jingdonkam kaba nangroi bad kaba kyrkieh ia ka rynsan kaba la pyniasoh lang kum kane ban iarap ia ki PwD bad ki bahaiing jong ki ban ioh ia ki jingshakri bad ki lad ki lynti kiba pura kiba ki lah ban ioh.
