Shillong – Nàmar ka jingiatai bniah ha ka Dorbar Lyuir ka KHADC halor ka mat U pud U Sam bad Memorandum of Understanding (MoU) bala iasoi hapdeng ka Meghalaya bad Assam ban pynbeit noh ia ki jingiakajia pud; ha ki hynriew tylli ki jaka khappud ka la pynlong ban khluit ha Ki arliang mamla Ki MDC ka Liang pyrshah bad U MDC ka Liang synshar.
Ha kaba iadei ka jingiatai U Executive Member ba khmih ia ka Elaka Bah Jambor War ula pyntip ba u Chief Executive Member (CEM) ka KHADC ka la khot ia ka jingialang ha ka 15 tarik Lber bad ki Khlieh Nongsynshar jong ki san Hima- ka Hima Mylliem, Hima Nongspung, Hima Jirang, Hima Nonglang bad Hima Jyrngam Sirdarship, kan pan ia ki jingai jingmut jong ki halor ka MoU.
Na ka Liang u EM ba ka KHADC kala dep phah jingthoh ruh sha u Myntri Rangbah ka Jylla Conrad Kongkal Sangma, la pynpaw ia ki jingai jingmut jong ki san tylli ki Hima ban kyrpad, ia ka Sorkar Jylla ban shong bishar thymmai biang ia kane ka soskular.
Ha ka jingshong Dorbar Lyuir kaba bynta ba AR, na ka Liang U dkhot ka Liang Pyrshah U Bah Gabriel Wahlang uba la wànrah resolution ia ka mat border.
Haba kyrshan ia kane ka Resolution, u MDC ka Congress na Mawhati Bah Charles Marngar ula buh jingkylli halor ka rai jong ki 11 ngut ki MDC ka NPP kiba kyrshan ia ka MoU. Ula dawa ruh ia ka jingpynshai halor ka sienjam bala shim da ka Coordination Committee bad ka nongrim ba ieng da ka Executive Committee jong ka UDP.
U Bah Charles Marngar Haba kynthoh pyrshah ia U MDC ka Rambrai Jyrngam U Bah Bajop Pyngrope u Ong dang don ka jingiatylli kawei halor kane ka kam khnang ba ki paidbah kin tip?.
Utei u MDC ka Congress na Mawhati balei ka Council kam lah ban leh eiei halor ka MoU bala iasoi khlem ka jingtip lang jong ki briew ba iadonbynta ha ki kam pud kam sam.
U pynpaw ka jingsheptieng ka jingiakren pynbeit pud kan nang ktah shuh shuh ia ki paidbah kiba hap hapoh u pud u sam jong ka Council ha ka kylla kaba ar Ong u Bah Charles.
Kitei Ki MDC Congress Ki la tangon ia U MDC NPP ba ka don tang kawei ka jingduna na ka liang jong ka Sorkar Jylla, une u MDC ula ong ba hashuwa ban shim ia ka rai kaba khatduh ban soi ia ka Mou, ka Sorkar Jylla kala klet ia ki briew kiba iadon bynta ha kane ka kam kiba kynthup ia ki Khlieh Nongsynshar, ki Trai Shnong bad ki District Council, kaba dei ka nongsumar ia ka khyndew ka shyiap.
Haba kyrshan ia kane ka Resolution, u MDC ka Congress na Mawhati Bah Charles Marngar ula buh jingkylli halor ka rai jong ki 11 ngut ki MDC ka NPP kiba kyrshan ia ka MoU. Ula dawa ruh ia ka jingpynshai halor ka sienjam bala shim da ka Coordination Committee bad ka nongrim ba ieng da ka Executive Committee jong ka UDP.
Haba pynphai Nia Kylla ia kane ka Resolution, u MDC ka NPP na Rambrai-Jyrngam Bah Bajop Pyngrope ula ther ba undang iai bteng ban kyrshan ia ka MoU ban pynthikna ia ka jingpynbeit noh shisyndon ia ka jingiakajia pud, kaba la iaid da ki phew phew snem hapdeng ka Jylla bad ka Assam.
U Bah Bajop Pyngrope u la ong bad iaroh ia ka Sorkar MDA kaba nud ban shim ia ka rai ha kaban pynbeit noh ia ka Kam pud kaba la sahkut da Ki phew snem.
Shuh shuh U Bah Bajop Pyngrope u sngewthuh ba lada nang pynslem ban pynbeit ia kane ka jingiakajia pud, ka jingeh kan iai bteng bad mano ruh ki bym kwah ban pynbeit noh ia kane ka jingiakajia kaba la wanrah ia ki jingkulmar ba bun jait bun rukom”
Une u MDC ula kam ruh ba baroh ki Shnong kiba hap hapoh ka Constituency jong u, kin dang iai neh bad ka Meghalaya namar ka MoU. Ula bynrap b aka MoU kala kren shai b aba hok longtrai ia ka khyndew ka shyiap kan iai neh bad ki paidbah.
Ha kajuh ka por, u MDC ba shu sieh Bah Bindo M Lanong ula ong ba ka Sorkar Jylla kam lah ban shu shim rai muk mak tang ban ioh kam ba ka la lah ban pynbeit ia ka jingiakajia pud ha ka jingsynshar jong ka. U ong ba ka Sorkar Jylla ka dei ban pynneh pynsah beit ia u pud u sam kumba u long.