Shillong, Jymmang 19: Ki paidbah nongshong iew mynta ka 19 tarik ki la sakhi bad pynpaw ka jingkmen ia u Myntri Rangbah ka jylla u Conrad K. Sangma bad ia ki myntri Sorkar kiba kynthup ia u Bah Prestone Tynsong bad u Myntri ka tnat Jngohkai (Tourism) u Bah Paul Lyngdoh ki poi iew sha Iewduh ban jurip ïa ka.
Ia u Myntri Rangbah la pdiang burom da u Syiem ka Hima Mylliem u Paiem Ainam Manik Syiem bad ki myntri syiem.
Ka jingleit iuhkjat u Myntri Rangbah Conrad K. Sangma ia ka Iewduh ka dei ka sien ba ar hadien u Dr. Mukul Sangma.
U Conrad K. Sangma uba la sdang iaid kjat na Motphran, bad ïa ki basa die bapher bapher naduh Iewmawlong, Basa sohsaw, Iewdie lang, basa doh bad jaka die dohkha, Khlieh Iew bad kiwei kiwei.
U Myntri Rangbah ha jingleit jurip Ia baroh ki jingdonkam kiba u paidbah u donkam kum ka light ka um bad ki jingpynitynnad ia ki lynti synkien iathuh u Conrad K. Sangma bad u Bah Prestone Tynsong haba iakren ia ki lad pathai khubor. U bynrap ka jingleit jngoh jong u ia katei ka iew ba ka sorkar ka la dep mang T.6 klur na ka bynta ban maramot ia ka lynti iaid kjat hapoh katei ka iew.
Mynta ka bynta kaba ar ka long la ai sa 16 klur tyngka ban leh ia ki tnum da slap najrong ha shilynter ka Iewduh.
Wat ki paidbah kiba la sakhi ia jingwan u Myntri Rangbah ki la ioh ban pynsngew ia ki jingeh bad jingdonkam kiba ki nongshong iew ba ki kynduh na ka liang jong u Myntri Rangbah lem bad u Symbud Myntri ki la ïoh ban kren bad katto katne ki nongshong ïew.
Kane ka jingwan jurip ka dei halor ka jingthmu jong ka Sorkar ban pynkylla ïa ka ïewduh sha ka jaka kaba khuid, kaba itynnad, kaba treikam, bad ka jaka kaba kylluid kaba lah ban ai ka jingshakri kaba paka ïa ki nongdie jingdie bad ki nongthied.
U myntri rangbah ka jylla u Conrad K Sangma u la ong ba shen ka sorkar kan sa pynkhreh ia ka master plan na ka bynta ban pynitynnad bad pynbha kyllum ia ka Iewduh, kaba dei kawei na ki iew tynrai kaba heh tam bad kaba la rim tam ha kane ka thain.
Mynta ki tnad ki dang pynkhreh ia ka master plan ban peit kumno ngin lah ban wanrah ia ka jingpynbha baroh kawei ha Iewduh”, la ong u Sangma
“Ngi sngewkhia bha ia kane namar ba jan palat shi lak ngut ki briew ka jingim ka shong beit ne khlem beit ha ka iew Iewduh. Kumta ka long kaba kongsan bha ia ngi ban pynthikna ba ngin pynneh ia kane bad wanrah ia ka,” u la ong.
.
“Phi lah ban iohi ba la pynbha ia ki lynti iaid kjat bad la pynlong ia ka kum ka lynti iaid kjat ka KHADC),” u la ong.
“Ha ka jingïalang, ngin pyrshang ban pynitynnad ïa ka jaka. Hooid, kane kan ym biang hynrei ka jingthmu jong ngi mynta ka sngi ka long ban peit kaei kaba lah ban leh shuh shuh bad ngi la sngewthuh ba ka don shibun ka jingeh ha ka jingtuid ka um, ha ka nala – kumta ïa kine baroh yn pynrung ha ka bynta kaba ar, kaba la khang ïa ka projek kaba T.15 klur tyngka,” ong u Sangma.
U la bynrap, “Hapoh ka bynta kaba ar, ngi khmih lynti ba ngin sa lah ban tender kloi bha bad nga kyrmen ba lehse hadien ar bnai, ngi lah ban khmih lynti ba katto katne ki kam kin sdang – namar u slap bad baroh, ngi lah ban nym lah ban leh ïa ka ha ka jingïaid lynti kaba pura hynrei kan ym slem than, kan sa jia kloi bha.”
U CM u la ong, “Ngi la buh ïa ka projek jong ka Iewduh hapoh ka skhim NEC bad katto katne na kata ka wan lyngba ka NEC bad katto katne bynta ka sorkar jylla kan ai pisa bad ha ki por ban wan na ka bynta ka jingtei kaba kham heh, sa shisien pat yn shim ïa ki tyllong bapher bapher – ngi la ngeit beit ha kata – bad la ka long na ka pdeng ne na ka jylla, ka jingthmu ka long ban ïoh ïa ka kam ha ka bynta. rukom ban pynthikna ba ka jingtei baroh kawei hangne kan nangbha.”
“Ka dei ka jingleit jngoh kaba bha shibun bad ngi pynthikna ïa ki paidbah khamtam ïa ki hima, ki trai dukan bad ki khlieh nongsynshar tynrai ba ngin ïatreilang bad ki ban pynthikna ba ngi lah ban pynbha ïa ka jaka iew Iewduh baroh kawei,” u la bynrap.
“Ngim kwah ban pynthut ia ka jingim jong ki paidbah mardor.Namarkata, kaba nyngkong eh kaba ngi leh ngi pyrshang ban pyndonkam ia ka jaka ha ka rukom kaba kham bha bad na kata ka daw ka pip