Shillong, 9 Jylliew: U Bah Prestone Tynsong Myntri ka tnad Kam Pohiing ka jylla u iathuh sha ki lad pathai khubor , ba la kem lai san ngut ki runar kiba donkti ha ka jingshah pyniap u nongwan jngohkai na Indore, u Raja Raghuvanshi.
U bah Prestone Tynsong u la ong ba ar ngut la ioh kem na Indore bad ar ngut pat na kiwei ki bynta jong ka jylla Madhya Pradesh.
Ki briew kiba la shah kem kynthup ia u Vishal Singh Chauhan, Anand Kurmi, Raj Kushwaha bad Vicky Thakur.
U la ong ruh ba ha ka por ba ka ingwan sha Meghalaya, ka Sonam ka la ai lut ia ki jingtip, kynthup ruh ia ka jaka GPS, sha u Raj.
U la bynrap ruh ba ki pulit ka jylla Meghalaya ka la ioh ia ka jingkyrshan kaba pura na ki pulit ka Indore ban pynkut noh ia kane ka kam pyniap kaba kyntu mynsiem bad sangsot.
U Symbud Myntri Rangbah Duh ba peit ïa ka tnat kam pohïing ka jylla, u Prestone Tynsong, haba kren sha ki lad pathai khubor ha Shillong u la ong, “Ka kurim jong u Raja, ka Sonam ka dei ka nongleh beinbah ha kane ka kam pyniap.”
U Superintendent of Police jong East Khasi Hills, u Vivek Syiem u la ong, “Ka jingtohkit kaba nyngkong ka pynpaw ba u Raj bad ka Sonam ki la pyrkhat lang bad pynbeit ban pyniap ïa u Raja Raghuvanshi.”
Ha kaba ïadei bad kane ka case, la ioh kem ïa saw ngut ki briew — u Vishal Singh Chauhan, u Aakash Rajput, u Anand Khurmi bad u Raj Kushwaha.
U SP u la pyntip ruh ba u Aakash, u Anand bad u Vishal ki la wan sha Shillong ban pyndep ïa kane ka kam pyniap kaba la pynbeit da khnang.
U la ong ruh ba ka Sonam ka la ai lut ki jingtip kynthup ki jaka GPS sha u Raj haba ka don ha ka jingleit kai sha Meghalaya.
U la bynrap ruh ba baroh ki jingiarap ba donkam la ai sha ka Meghalaya Police ban pynkut noh ïa kane ka case pyniap kaba la pynjah burom.