Shillong, 10 Naitung 2025 – Ka Finance Minister jong ka Sorkar Pdeng, ka Nirmala Sitharaman, ka la wan poi sha Shillong ha ka jingleit trei shiteng taiew ban plie paidbah ïa ka Polo Commercial Complex — ka shopping mall kaba nyngkong eh ha ka jylla, ha ka jingïadonlang u Myntri Rangbah ka jylla, u Conrad K. Sangma.
Kane ka jingplie paidbah ka dei ka dak kaba khraw ha ka jingsam bynta jong ka roi ka par ha ka nongbah Shillong, kaba la pynkylla noh ïa ka Polo Market kaba rim bad khlem jingtrei kam sha ka mall kaba kynsai, kaba don ïa ki jingdon jingem ba laitluid bad ki lad ai jingiarap ba kyrpang ïa ki paidbah bad ki nongdie.
. Ki paidbah ki la pynpaw ïa ka jingkmen ban ïohi ba kane ka jaka, kaba la shongshit mynshwa tang da ki nongdie hawker, mynta ka la kylla sha ka Mall ba khraw hapoh ka jingpyntrei kam jong ka Smart Cities Mission.
La tei ïa kane ka Complex ha ka jaka kaba heh 1.26 acre, bad ka total built-up area kaba long 1.70 lak square feet, da ka jinglut kaba kot sha ka ₹100.33 crore (kynthup GST). La sdang ïa ka shongkulang ha ka 28 tarik Risaw 2020, bad la pyndep pura ha u Nohprah 2024.
Ki bynta ba don ha Polo Commercial Complex:
109 dukan rit (447 sq ft – 3969 sq ft)
8 kamra office (8050 sq ft – 8830 sq ft)
Gaming Zone bad Food Court (15,270 sq ft)
80 jaka set kali, 50 jaka set bike
5 elevator, 12 escalator, 5 emergency exit
Sewage Treatment Plant (75 KL), Water Treatment Plant
110 CCTV Camera bad Smart Building Management System
Ka mall ka pyntrei kam ruh ïa ki lad ai jingiarap sha ka mariang kum ka rainwater harvesting system bad rooftop solar panel, kaba pyni ba ka long ka mall kaba shongbishar bad kaba don ka jingkitkhlieh ha ka roi ka mariang.