Shillong 15 – Ka KSU Nongmynsong Unit ki la pynpaw sha ka Sorkar lyngba ka tnad Pynmih Bording ia ka jingkiew ka bill light ki nongshongwai kiba shong ba sah ha (Basic Urban Poor) BSUP Complex Nongmynsong kiba hap hapoh ka BPL (Below Poverty Line).
U President ka KSU Nongmensong u bah J Pothmi haba iakren sha ki lad khubor hadien ba la wan iakynduh ia u Myntri ka tnad Power u AT Mondal mynta ka sngi ka 15 tarik Naitung 2025
ka jingkiew syndet ka bai light bad ka jingkylliang meter ka sorkar ia ki nongshong wai kiba shong ba sah ha BSUP Complex Nongmynsong.
U President u iathuh naduh ba wan buh da u Prepaid Meter ki ka bai bill light ka poi 65 tyngka wat haduh 150 tyngka bad ki nongshongwai ki ju siew 500 tyngka ne 600 tyngka ha ka 2 bnai, ka poi ha ka shisngi, da khein ia kata ka shisngi ha ka shibnai ka poi da ki 2 hajar 3 hajar, bad kane ka buh jingeh ia ki nongshongwai ba sah hatei ka BSUP Complex, namar ki wan na ka longïing ba duk ba kyrduh kiba kamai mynstep bam da miet.
Shuh shuh u la pyntip kiba sah wai hatei ka Complex, ki siew ia ka bai wai 900 tyngka bad lada ka bill light ka poi 2 hajar 3 hajar tyngka kata ka long ka bym iahap bad na ka liang ka KSU Nongmynsong Unit kam pdiang ia kane.
Katba na liang u Myntri ka tnad ka seisoh ka jingiakren bad ka Seng KSU bad u Myntri u la kular ban shimkhia ia kane ka kam haba iadei bad kane ka jingkiew ka Bill light jong ki nongshongwai ha BSUP Complex Nongmynsong.