Shillong, Naitung 2025 – Ka jingsarong ïa ka riti ka dustur Khasi ka la paw kham shai ha ki iew bad ka lad plie kam kyntiew ia ki samla.
Ka long Shillong, ha kaba ka Blandina Rympeit, na ka shnong Umden Ri-Bhoi, ka la pyni paidbah da ka jingsarong ïa ka Jainsem – ka riam tynrai kaba phong da ki kynthei Khasi.
Ka Umden ka dei ka shnong kaba bat ryntih ïa ki rukom im Khasi bad ka jingpyrshang ban sumar ïa ki sap riewlum. Haba kren , ka komg Blandina ka ong, “Ka Jainsem kam dei tang ka riam – ka dei ka jingtip briew bad ka jingsarong jong ngi.”
Ka Jainsem kaba suk ban phong bad don burom, ka dei ka dur ba pynpaw ïa ka jinglong riewlum. Ka Blandina kaba wanrah ban pyni da ki jain rong ba iap beij , ia ka tynrai jong ka shnong Umden – kaba paw ha ka thaiñ jain da kti tynrai.
Mynta ki jain Eri Silk na Umden kaba pyni ïa ka sap ka phong jong ki paid khaai , naduh ki jingrwai, ka bam tynrai, ka riam bad ki jingiadei bad ka mariang. Ka jingwan jong ka Blandina ka ai mynsiem ïa ki samla ban burom bad sumar ïa ka riti ka dustur Khasi.
Ka Jainsem ka long ka riam kaba kham kiew ha ka pyrthei sustainable fashion, bad ka la sdang ban ioh jingithuh na ki nongpynrieng riam ha kine ki sngi. Ka dei ka riam kaba don ka mynsiem bad ka khana – ka khana shaphang ka jaitbynriew, ka khyndew bad ka jingim ba dap da ka burom.