GUWAHATI, 16 Naitung 2025 — Ka Assam Royal Global University (RGU) ka la pynbna ar tylli ki jingai scholarship kyrpang kiba la khlieh kyrpang na ka bynta ki khun ne ki kti jong ki nongtrei pulit na baroh ki 8 tylli ki jylla ka thaiñ Shatei Lammihngi, ban kyntiew ïa ka pule puthi bad ban pynioh lad ïa ki khun ki kti jong ki pulit ban bteng ïaka jingpule ha ki kyrdan ba kham shalor.
Katkum ka kyrwoh na u Prof. (Dr.) D. N. Singh, Registrar (Academic) jong ka RGU, kine ki scholarship ki kynthup:
Royal Shaurya Scholarship: Ka jingai 100% scholarship na ka bynta ki khun ne ki kti jong ki pulit kiba la shah siat iap ha ka kamram ne kiba la ioh khusnam na ka jingïaleh bahok (gallantry award).
Royal Suraksha Scholarship: Ka jingai 50% scholarship na bynta ki khun jong ki nongtrei pulit kiba dang trei mynta ha ki 8 tylli ki jylla ka thaiñ Shatei Lammihngi.
Kine ki scholarship ki treikam ha baroh ki course kiba hap hapoh ki tnad ai hukum kum ka AICTE, COA, PCI, INC, ANMHVC, BCI bad kiwei ki statutory body.
U Prof. Singh u la ong ruh ba nalor kine ar tylli ki scholarship, ka RGU ka la don ruh da kiwei ki jingai scholarship ba bun rukom naduh ba la seng ïa ka skulbah. Kine ki kynthup:
Royal Merit On Admission Scholarship: 100% kaba kynthup ïa ka skhim lait siew ïa ka khajna shisnem, ka admission fee bad ka registration fee na bynta ki samla ba don jingnang jingstad bha.
Royal Scholarship for EWS: Scholarship ba pura na bynta ki samla kiba wan na ki longïing kiba duk (Economically Weaker Section).
Royal Endowment Scholarship: Jingai scholarship sha ki samla kiba lah ha ka jingïalehkai, ka rwai, ka akor, kiba don jingduna ha met (differently-abled), ki khun jong ki kmie kiba marwei, ki khun ki kti jong ki nongioh khusnam Padma Award, Assam Baibhav, Saurav bad Gaurav, bad ruh kiba na ki longïing kiba kamai hapoh ₹8 lak shi snem.
RGU Sports Scholarship: Scholarship na ka bynta ki samla kiba lah ha ka jingïalehkai sports ba la ithuh da ka Indian Olympic Association, ha kaba ka jingai scholarship kan long naduh 100% haduh 40% katkum ka kyrdan ba ki ioh ïa ka jingjop ha ka rynsan International, National, State ne District.
Ka jingpynkhreh bad ka jingshimkhia jong ka RGU lyngba kine ki skhim scholarship, ka pyni ba ka skulbah ka don ka thong ban pynioh lad ïa baroh — la ka long na ka liang ka jingnang jingtip, ka jingïaknieh, ne ka jingsngewbha sha ki paidbah — ban ioh rung ha ka kamai ka pisa bad ka pule puthi.
Ki samla bad ki longïing ba kwah ban tip kham bniah ki lah ban leit jngoh ïa ka website jong ka RGU ne ban pynsngewthuh lyngba ka ophis Admission jong ka skulbah.