Shillong, 17 Naitung 2025 —
Ha ka jingïalang ha Polo Towers Hotel, ki Nongkhaii nongialam kamai kajih na Shillong ki la ïakynduh ïa u Myntri Khynnah ka tnat Cooperation, Krishan Pal Gurjar, ban pynpaw ïa ki jingeh kiba la slem ha ka jylla Meghalaya, khamtam ha ka jingïabit lynti bad ka infrastructure.
U Parambir Singh Sehdave, u nongpyniaid hotel, u la kynnoh halor ka jingpynkut liengsuin UDAN kaba la ktah ïa ka tourism. U la pynpaw ruh ba ka surok NH-6 kaba don 25 km ka long kaba sniew haduh katta katta.
U Abhishek Singhania u la kyntu ban pynkynriah ïa ka rel sha Byrnihat ban pynsuk ïa ka kit ka bah. U Manas Chaudhuri u la ong ba ka jylla ka dang sahdien ha ka roi ka par bad donkam jingkyrshan kyrpang na ka Sorkar Pdeng. U AL Hek pat u la kyrpad ban ai jingkyrshan sha ki Self Help Group bad Cooperative.
La ai jingmut ruh halor ka kam ri masi kum ka lad kamai kaba biang ha ka jylla.
U Krishan Pal Gurjar u la kular ban rah ïa ki jingdawa sha u Prime Minister Narendra Modi bad kiwei ki Myntri Pdeng, da ka jingkular ban shimkhia bad ai lad ïa ka roi ka par ha Meghalaya.