Ka Sorkar ka pynshlur ban ri jingri donkam pat ban sumar kumba sumar briew ban ai pisa: Dr.Pynhunlang Vetenery

Jowai,13 Nailar – Bun ki samla kiba ju ioh jinghikai ban seng kam seng jam ha kano kano ka bynta ki shu kut noh tang ka jinghikai khlem poi ban iaseng kam.
Hynrei ki 100 ngut samla shah hikai ha ka Skul Bah NEHU na ka shnat Deen Dayal Upadhyaya Community College (DDUCC), Wahiajer ki ioh jingmyntoi shibun namar ka jingkut jingmut ban iaid shakhmat ban leh da ka kam lajong haba la ioh ka jinghikai kaba biang
Haba kut ka jong ka jinghikai kaba 6 sngi naduh 7 haduh 13 Nailar 2025 halor ka kam ri syiar bad ri sniang u Dr. Pynhunlang Blah War, Deputy Director (Planning), ka Directorate of Animal Husbandry & Veterinary, Government of Meghalaya, u la pynsngew ia ki nongshah hikai shaphang ka bynta ban kyntiew ia ka sap treikam jong ki paidbah nongrep bad ki samla na ki shnong-shnong.
U Dr. Pynhunlang kum u kongsan ban pynkut ia ku mat ba la hikai: jingjied kynhun syiar/sniang kiba biang.
U la ong haba ri jingri donkam ban phikir ia ka shong ka sah kaba biang kum ki briew.
Ki jingri ku donkam ia ka jingpynbeit; jingpynkhreh jingbam bad ka met-bam kaba biang; ka jingpynneh ia ka koit ka khiah (vaccination, biang ka jingkhuid, quarantine); jingpynkhreh ia ka bai-lut bai-sep bad ki lad die jingdie.
Shuh shuh u iathuh ba ki nongioh jinghikai ki dei ban tip shaphang ki skhim ka Sorkar kiba kyrshan ia ka kam ri syiar bad ri sniang hapoh CM-ELEVATE.
U Dr. Pynhunlang Blah War, Deputy Director ( ka Directorate of Animal Husbandry & Veterinary, Government of Meghalaya, u la ong ba ka jingkyllon jong ka mariang (biodiversity) ha Meghalaya ka long ka borbah ban pynkhlaiñ ia ka kam rep-ri jingri. U la kyrpad ia ki khynnah sikai ba kin trei da ka rukom kaba khuid, pynkhlaiñ ia ka jingpynneh jingiarap da ki kynhun synrop, bad ban pyndonkam ia ki skhim sorkar ban ioh jingkyrshan pisa bad ka jingsynran. (Ka kyrdan treikam utei u ophisar la pyntikna na ka jaka kynduh ka tnad