Shillong, 10 September 2025 –
Ka jingpang drugs kaba la nang kiew sted ha jylla ka la long ka phang kaba iakren bha ha ka sngi ba lai jong ka Autumn Session ha ka Iingdorbar Thawaiñ Meghalaya. Ki MLA ka Voice of the People Party (Bah Brightstarwell Marbaniang bad Bah Heaving Stone Kharpran) ryngkat bad u Bah Mayral Born Syiem na ka United Democratic Party (UDP) ki la pan jingtip na u Myntri Social Welfare, Bah Paul Lyngdoh, halor ka rukom trei kam jong ka sorkar ban iakhun pyrshah ia kane ka jingeh.
Ki MLA ki la kylli bniah ia ka sorkar halor:
- Ki sienjam jong ka sorkar ban pynbeit bad iakhun ia ki drugs lyngba ka prokram DREAM (Drug Reduction, Elimination and Action Mission).
- Ka jingkhynra bad ka jingseiñ – katno ki drugs kiba la ioh kem ha jylla hapoh ka 5 snem bala leit noh.
Ha ka jubab, u Bah Paul Lyngdoh u la ong ba ka jingtip bniah la buh ha ka Table jong ka Iingdorbar da ka Anti-Narcotics Task Force (ANTF). Kine ki long ki drugs kiba la ioh seiñ hapoh 5 snem bala leit:
Heroin: 40,971.74 gram
Ganja/Cannabis: 12,756.47 kilogram
Opium: 2.65436 kilogram
Yaba Tablets WY: 76.50074 kilogram
White Crystal Meth: 14.232 kilogram
Kiwei ki Psychotropic Substances: 16,448.145 gram
Codeine Cough Syrup: 1,24,906 tylli ki bottle
U Myntri u la ong ba kine ki jingkhein ki pyni shai ia ka jingma kaba jur na ka jingmih jong ki drugs ha jylla. Hynrei ki pyni ruh ia ka jingtrei shitom jong ki bor synshar bad ki pulit ban khanglad ia ka jingwan rung bad jingpyndonkam.
U la bynrap ba lyngba ka DREAM Mission, ka sorkar ka la pynshong nongrim ha ki bynta jong ka jingpynsngewthuh paidbah, jingpynbit jingpynbiang jingsumar bad jingkyrshan ia ki samla kiba la lait na ka jingdonkam drugs, ban iada ia ka lawei jong ka jylla.