Shillong, 13 Risaw: Ka nongialehkai marathon kaba paw ha ka jylla Meghalaya, Ka Kong Kmoin Wahlang, ka la pynpaw ia ka jingduh mynsiem bad jingsngewsih hadien ba ka la shah kren beiñ bad shah kren khoh da kawei ka briew na bar jylla ha ki lad social media.
Ha ka jingkren jong ka, ka Kong Kmoin ka la ong, “Nga sngewkhia bha halor kane ka jingjia namar ka dei ka jingkren kaba pynjah burom, ym tang ia nga hi, hynrei ia ki kynthei kiba trei shitom bad ia ka jylla Meghalaya baroh kawei.”
Ka la ong ruh ba watla ka sngewkhia, hynrei ka ym pat dei ban duh mynsiem, namar ka tip ba bun ki paidbah ha ka jylla ki ieng lang ban ai jingkyrshan bad jingieit ia ka. “Nga sngewnguh ia ki paidbah kiba ai jingkyrshan. Kane ka pynshlur ia nga ban nang iai trei bad ban pynpaw ba watla ki briew ki kren bein, hynrei ka jingim ka dei ban iai trei bad pyrkhat bha,” la ong ka Kong Kmoin.
Ki sengbhalang bad ki paidbah ruh ki la pynpaw ia ka jingsngewkhia halor kane ka jingjia bad ki la dawa ba ki bor pyniaid aiñ kin pynshitom ia uta u nongkren beiñ uba la pynjah burom ia ka longkmie Khasi kaba la kyntiew ia ka nam ka jaidbynriew ha ka pyrthei sporKha
Ka Kong Kmoin Wahlang ka dei ka nongialehkai marathon kaba la iashim bynta ha ki lympung ialehkai ha ka ri India bad ha shabar ruh, kaba la long ka dak jong ka jingkhlaiñ jingmut bad jinglong ryntih jong ki kynthei Khasi.