Mawkyrwat, Risaw 29:
Ka shnong jong ka Domïasiat, South West Khasi Hills District kaba dei ka shnong jong Mei Ieid Spelity Lyngdoh Langrin, ka dei kawei na ki shnong kaba dang sahdien bha ha kaba ïadei bad ka roi kapar ha ka thaiñ.
U Bah N.D , Secretary Shnong Domïasiat haba kren sha ki lad pathai ubla ïathuh ba ki don shibun ki jingdonkam hapoh ka shnong bad kiba kongsan eh ki long ka umbam umdih , wat ka la don ka jingpyntrei ïa ka skhim JJM hynrei kaba sngewsih ka long ba haduh mynta kim pat ioh ïa ka umbam undih bad ki da g don tang ki pipe um.
U la ïathuh ruh ba hapoh ka shnong haduh mynta ka dang don tang ka Lower Primary skul bad la donkam ban don noh sa Upper Primary skul ban pynsuk ïa ki khynnah.
U la ïathuh ruh ba ha kaba ïadei bad ka ja sumar ki dang shem jingeh shibun wat la ka don ka ka PHC ha Wahkaji hynrei ki dawai ha kane ka jaka sumar kim biang bad ki doktor ki dang duna shibun.
U bah N. D Syiem bad ka shnong Domiasiat kila ai khublei kyrpang ïa u MLA/ MDC ka Ranikor Constituency u bah Pius Marwein u ba la ïarap sngew bha ban tih surok shaduh sha shnong kaba jngai kumba 3 km ei ei bad u la ai khublei ruh ia i Dr .Warjri i ba la iarap ban pynïoh ïa ki skhim bapher bapher kum ki solar system kaba ki nongshong ki la ioh ban pyndon kam ha ki ïng ki sem jong ki.