Bihar : Ha ka bynta ba nyngkong jong ka jingthep vote sha ka iing dorbar thawain jong ka Bihar, la iohi ba katto katne ngut ki riew pawkhmat ha ka sain pyrthei ki la leit ban thep ia ka vote jong ki. Napdeng ki nongthep vote ba kham paw ka bihar ki long u nongialam ka RJD bad u kyrtong myntri rangbah ka INDIA block u Tejashwi Yadav, uba la thep vote ha Patna ryngkat bad kiba ha iing jong u, kynthup ia u Lalu Prasad u heh duh jong ka RJD. Kiwei pat ki nongthep vote kiba kham paw khmat ki kynthup ïa u myntri ka sorkar pdeng u Giriraj Singh bad ka Bihar .
U Vijay Kumar Sinha, uba dei u Myntri Rangbah ka Jylla, u la thep vote ha Lakhisarai, kumjuh ruh u myntri ka sorkar pdeng, U Rajiv Ranjan Singh ‘Lalan’ ha Patna.
Ha kane ka kynti kaba mynta kiba bun na ki seng sain pyrthei ha bihar kila buh ha khmat bad ban iakhun ha ka liang ka roi ka par, ka ain bad ka suk ka sain, pyrshah khamtam ia ka jingpynbor jong u Tejashwi Yadav ia ka jingbishar hok ha ka imlang sahlang.
Kawei pat ka bynta ka long ban peitngor bha ia ka jingktah jong ka seng thymmai jong u Prashant Kishor ka Jan Suraaj party kaba thmu ban wanrah ia ka jingkah dum ha ka liang ka sain pyrthei ha Bihar.
Ka Myntri Rangbah ka Delhi, ka Rekha Gupta, ka la ong, “Ki paidbah ka Bihar ki tip ia ka jingbha jong ki, Hadien ba kila iohi ia ka jingkiew jong ka Bihar ha kine ki 15 snem ba la dep, ki sngewthuh ba kane ka lah ban long tang hapoh ka jingialam jong u PM Modi, bad chief minister kata u Nitish Kumar ha ryngkat ka jingiatrei lang bad ka NDA. Nga don ka jingngeit kaba pura ba ka NDA kan thaw ia ka sorkar shwa ban ioh ia ka jingbun paid kaba pura, bad ngin ioh kham bun ki vote.
U aktor ha kajuh ka por kum u nongrwai bad u nongialam ka BJP u Pawan Singh hadien ba u la thep ia ka vote jong u ha ka bynta ba nyngkong jong ka elekshon sha ka iing dorbar thawain jong ka Bihar u la ong “Nga la thep vote na ka bynta ka roi ka par, Nga kyntu ia ki paidbah ka Bihar ba kin mih noh nala ki iing jong phi bad thep vote na ka bynta ka roi ka par .