LEBENON : Haduh 13 ngut ki briew ki la ïap ei hadien ba ka ri Israel ka la hiar da ka thma ïa kawei na ki ktem jong ki Palestine bad kaba bun briew tam ha Lebanon ha ka thaiñ shatei lam mihngi jong ka ri.
Haba pynshai halor katei ka jingleit bom ka ka Israel kala ong ba ka thmu ïa kawei ka compound jong ka Hamas ha katei ka jaka, ka kynhun lehnoh jong ka Palestine ka la pynskhem ba ym shym la don satia kino kino ki jaka buh shipai ha ki ktem jong ki Palestine ha Lebano
Ka Israel ka la ïai bteng ban hiar thma ïa ka Lebanon wat hapdeng ka jingsangeh thma kaba la mynjur ha u bnai November kaba la thmu ban pynsangeh noh ïa ka jingïaleh pyrshah kaba la palat shisnem bad ka Hezbollah, ka paralok jong ka Hamas, kynthup ïa ki ar bnai jong ka thma kaba pura.
Ka tnad ka koit ka khiah jong ka Lebanon ka la pyntip ba “13 ngut ki briew ki la ïap bad katto katne ngut kiwei pat ki la mynsaw” ha katei ka jingshah thombor, da kaba bynrap ba “kiba bun ki kali kit nongpang ki dang kit ïa kiba kham mynsaw sha ki hospital ba marjan”.
Ka tnad pathai khubor jong ka sorkar israel, ka la ong ba ki jinghiar thma jong ka Israel ki thmu ïa kawei ka kali ha ka jaka ieng kali hajan ka mosque Khalid bin al-Walid “hadien kata la ïathuh ba ka jingkhynra ka la thmu ruh” ïa katei ka mosque hi bad ïa kawei ka jaka pdeng kaba don kajuh ka kyrteng.
Ha ka jingpynbna, ki shipai Israel ki la ong ba ki la “hiar thma ïa ki lehnoh kiba treikam ha ka jaka ai jinghikai jong ka Hamas ha ka thaiñ Ain al-Helweh ha ka thaiñ shathie jong ka Lebanon”, da kaba bynrap ba ki “treikam pyrshah ïa ka jingseng jong ka Hamas ha Lebanon”.
Ha kawei pat ka liang, ka Hamas ka la kyntait ïa ki jingkynnoh jong ka Israel bad kynnoh ïa ka ba ka dei ka “jingthombor kaba shyrkhei” ïa ka ktem Ain al-Helweh, da kaba bynrap ba “ki jingkynnoh ba ka jaka ba la thmu ka dei ka ’ka jaka ai jinghikai kaba ïadei bad ka jingïakhih’ ki dei tang ki jingthaw thok suda
Ha kajuh ka por Ki shipai Israel ki la pynmih ia ka video jong ka jingleit thombor ha kawei ka iing, hynrei ka Hamas ka la kam ba “ka jaka ba la thombor ka dei ka madan ialehkai jong ki samla jong katei ka jaka bad ba “kiba shah thombor kiba bun na ki ki dei ki khynnah shynrang” kiba don ha katei ka madan ha katei ka por.