THAI : Ha kawei na ki jingjia ba phylla ka bym ju da kham jia thala, la lap ïa kawei ka kynthei kaba dei na ri Thailand kaba la don 65 snem ka rta ha kaba la lap ba ka dang im ha ka por bala thep ia ka hapoh ka synduk iap briew katto katne por ha shwa ban pyndep ia ka met iap ba sah jong ka kaba la buh ban pyndep ha kawei ka temple Buddhist. Katei ka jingjia, ka la jia ha Wat Rat Prakhong Tham ha Nonthaburi, kaba don ha rud jong ka nongbah Bangkok, ha kaba baroh ki la ia lyngngoh, namar ka jingtied bad jingkhih jong katei ka synduk.
U hynmen jong katei ka kynthei, uba la wan na ka jylla Phitsanulok, u la batai ba ka la shu thiah pang ha jingthiah la jan ar snem. Ka koit ka khiah jong ka ka la nang sniew bad ka la shu thiah jar haduh ar sngi khlem da ring mynsiem, ha kaba ka longiing baroh kawei ka la ngeit ba ka la khlad noh.
Ha kaba sdang, ki la pyrshang ban rah ia ka sha kawei ka hospital ha Bangkok ban pynshisha la kala iap shisha ne em, hynrei la pynphai noh ia ka namar ba ym lah ban thikna, Haba ki la rai beit ban pyndep noh ia ka met ba sah jong ka
Katba Ki briew ba dei peit ia ka temple ki dang pynkhreh kumno ban pynbeit ia ki kot ki sla kiba biang, ki la iohsngew ia ka jingkhih na shapoh ka synduk Ha kaba Mar ia plied ia ka synduk ki la ia lyngngoh baroh ban lap ia ka ba ka dangim, kala peit ia ki khmat bad kala kren ruh da ka sur kaba jem
U nongpyniaid jong ka temple bad ka kynhun jong u ki la ialam mardor ia ka sha kawei ka hospital, bad u abbot jong ka temple u la pynbna ba kin siew ia ka bai sumar jong ka.
Ki bor pyniaid hadien ki la iathuh ba watla ka paw ba ka la sangeh ban ring mynsiem, hynrei kam shym la don ka jingpang dohnud ne jingpang sniehdoh. Ha kajuh ka por ki doktor ki la lap ba ka don ia ka jingpang shini kaba jur bha.