MEGHALAYA : Ki Sengbhalang bapher bapher jong ka South West Khasi Hills District naduh ka KSU , SSSS, FKJGP HANM , HITO , HNYF, HYC ha ka 15 tarik u Nohprah 2025 ki la leit ban ïakynduh kyrkieh ia u bah L.T Tariang , Additional Deputy Commissioner ka SWKHD ban pyrshah jur halor ka jingthmu jong ka sorkar ban pynkynriah kam noh ia u Superintendent of Police jong ka SWKHD u Bah B.Jyrwa bad ia kiwei kiwei ki ophisar ki bym pat kut ka por treikam jong ki.
Ki Seng bhalang ka SWKHD ki la ban jur ia ka sorkar ba la kumno kumno ia ki ophisar kiba treibha na ka bynta u paidbah ymdei ban pynkynriah kam shiteng por khlem pat dap pura ka por treikam .
Ki seng bhalang ka SWKHD hadien ka jingiasyllok bad ki nongshong shnong ka thaiñ ki la shim ia ka rai ban dawa na ka sorkar ba kadei ban ban wanrah ia ki SP ne Magistrate bad ki ophisar kiba dei Khasi halor ka nongrim ba kan don ka jingïadei kaba jan bad ki paidbah.
Na ka liang ki sengbhalang ki la maham jur ia ka sorkar ba kam dei ban ïalehkai bad ka paidbah ka SWKHD ban wanrah ne weng ophisar katba mon na ka bynta ka jingmyntoi jongno re jongno khlem da pyrkhat pat ia jingduh nong jong ka distrik.