Ka Shillong Club ka dei ban iatreilang bad ka ; Dorbar Shnong Shuwa ka National Games

Shillong, 31 tarik Kyllalyngkot, 2026: Kum shi bynta na ka jingpynkhreh ïa ka National Games 2027, ka Dorbar Shnong Golflink hapoh ka jingïalam u Rangbah Shnong Bah Michael Hek ka la leit ban khmih bniah ïa ki surok bad kiwei pat ki jingtei ha ka thaiñ Golflink ha ka sngi Saitjaiñ.
Haba kren ha ka por jurip , u Bah Michael Hek u la ong ba ka Shillong Club ka dei ban ïatreilang bad ka Dorbar Shnong lada ka Sorkar ka sdang ban pyntreikam ïa ki kam shna surok, ïaid paidbah (footpaths) bad ki kam pynitynnad (beautification works) ha katei ka thaiñ. U la pynpaw ba lada ym don jingïatreilang, ki kam pynroi paidbah kin ym lah ban ïaid beit ïaid ryntih.
U la pynpaw ruh ïa ka jingsngewkhia halor ka jingkam jong ka Shillong Club ba ka thaiñ baroh ka dei ka bynta jong ki, da kaba ong ba kum kane ka jingkam “kam long kaba lah” bad ka lah ban long ka jingïing jingïatkhyllem ïa ki kam pynroi paidbah kiba donkam bha na ka bynta ka National Games.
Ka jingkhmih bniah la pynlong da ka thong ban bishar ïa ka jingïaid jingïeng jong ki surok hapoh shnong, ka jingïaid ka jingïathung jingïapung paidbah, ka jingïaid ki nala jingïap jingïaid um (drainage), bad kiwei pat ki jingdonkam paidbah, namar ba ka Golflink ka la khmih lynti ban long kawei na ki bynta kiba kongsan ha ka por ba ka jylla Meghalaya kan pynlong ïa ka National Games ha u snem 2027.
U Bah Michael Hek u la ban jur ïa ka jingdonkam jong ka jingïatreilang hapdeng ki bor shnong, ki nongshong shnong bad ki tnad sorkar bapher bapher, khnang ban pynthikna ba ïa ki kam pynroi yn lah ban pyndep ha ka por kaba biang. U la ong ba ka jingthmu ryntih bad ka jingïatreikam kaba treikam bha ka long kaba donkam bha khnang ban pynkhreh pura ïa ka thaiñ ban pdiang sngewbha ïa ki nongïalehkai, ki heh sorkar bad ki nongwan jngohkai ha ka por jong ka jingïalehkai.
Shuh shuh, u la kyntu ruh ïa ki jingïeh ia ki jingpynjaboh beaiñ, ka jingshna bad jingïaid beit ki surok, bad ka jingdonkam ban pynbha shuh shuh ïa ki jingtei paidbah, da kaba kyntu ïa ki nongshong shnong ban ïatreilang bad ka Dorbar Shnong bad ki bor ba dei peit na ka bynta ka jingpynroi paidbah jong ka shnong baroh kawei.
Ka Dorbar Shnong Golflink ka la ong ba ïa baroh ki jingthoh jingïohi bad ki jingai jingmut kiba la mih na ka jingkhmih bniah yn sa phah sha ki tnad sorkar ba dei peit khnang ban leh ïa kaba donkam, haba khmih lynti ïa kane ka jingïalehkai paidbah kaba heh bha kaban sa long ha jylla.