Ym lah ka KHADC ban wanrah ïa ka Mang Tyngka kaba pura, wanrah tang ka “Vote on Account” lai bnai

Shillong, Rymphang 18: Ka Khasi Hills Autonomous District Council (KHADC) ka la sdang ïa ka Dorbar Mang Tyngka kaba lai sngi, kaba la sdang naduh ka 18 tarik bad kan kut ha ka 20 tarik u Rymphang.
Ha kane ka Dorbar, u MDC ka Mawkynrew, Bah Seiborlang Warbah, uba dei u Executive Member (EM) ka Tnad Pla Tyngka, u la wanrah ïa ka Mang Tyngka hynrei ym dei ka budget kaba pura, hynrei ka dei tang ka Vote on Account na bynta lai bnai.
Mang Tyngka T.36.99 klur na bynta lai bnai
Ka Executive Committee jong ka KHADC, kaba la lamkhmat da ka Voice of the People Party (VPP), ka la pynshong nongrim ïa kane ka jingmang pisa kaba kot haduh:
T. 36,99,83,830
Ia kane ka Vote on Account la buh na bynta u snem mang tyngka 2026-2027, naduh:
1 tarik Ïaïong 2026 haduh 30 tarik Jylliew 2026
Jingpynlud paidbah ha ki tnad bapher bapher
Ha kane ka mang tyngka lai bnai, la bynta ïa ka pisa sha ki tnad treikam jong ka Council kumne:
General Administration Department – T. 9,14,51,600
Law Department – T. 18,53,920
Revenue Budget & Finance Department – T. 2,76,64,360
Forest Department – T. 2,84,41,860
Judicial Department – T. 1,80,43,850
Legislative Department – T. 2,36,39,150
Education Department – T. 4,11,520
Civil Work & Development Department – T. 16,24,94,700
Protection of Tribal Land & Interest Department – T. 1,59,82,870
Bun jingïapynlut ka dei sha ka tulop bad jingïaid treikam
Haba shim kyllum, bun na kane ka pisa la mang ban siew:
Tulop ïa ki dkhot jong ka Council
Ki ophisar bad nongtrei
Ki nongbishar
Ki nongtrei ba la shongthait (pension)
Bad ruh ïa ki kam pynroi bad kiwei kiwei ki jingdonkam jong ka Council