Shillong, 25 Rymphang: Ka seng Hynniewtrep Youth Council (HYC) kala pynpaw ïa ka jingbitar kaba jur halor ka jingjia kaba ïadei bad uwei u dkhot jong ka Bharatiya Janata Party (BJP), bad kala dawa ruh ba u dei ban map paidbah halor ki jingïathuh ne jingkren kiba la kynnoh ba ki la pynmong ïa ka dur bad ka kyrteng jong ka seng.
Ha ka kyrwoh ki nongïalam jong ka HYC Sengkmie u Bah Rhem G. Saiborne u ong kiba ym lah ban pdiang namar ki ktah ïa ka burom bad ka jingïatylli jong ka seng. Ki la ong ba ka seng ka la trei shitom ban shakri ïa ka bha ka miat jong ka jaitbynriew bad ka jylla, bad kan ym shah ba uno uno un pyrshang ban pynjah burom ïa ka.
U General Secretary ka HYC Sengkmie u la ong ba lada ym mih ka jingpan map paidbah na utei u dkhot BJP, ka seng kan shim ïa ki sienjam kiba donkam katkum ka aiñ bad katkum ka rukom treikam jong ka seng.
“Ngim kwah jingïakajia hynrei ngin ieng skhem ban ïada ïa ka kyrteng bad ka burom jong ka seng,” u la ong.
Ka jingïakynad hapdeng ka seng HYC bad utei u dkhot BJP ka dang ïai bteng, bad kiba bun ki paidbah ki dang ap ïa ka jingmih ka jingpynshai kaba shai halor kane ka bynta.