Ki nongri sniang na ka thain bhoirymbong area mynta ka sngi ki la pynlong jingialang ha bhoirymbong ban ia phylliew jingmut ia ki jingeh kiba kum ki nongri jingri ki ia kynduh ha katei ka sngi ki nongri jingri ki la pan jingiarap na ki nongialam jong ka Hilk Farmers Union ban iarap lang ia katei ka jingeh kaba ki ia kynduh,kumta ha katei ka sngi la iadonlang u general Secretary jong ka Hill Farmers union Sengkmie bah Allfondbirth Kharsyntiew bad u General Secretary jong ka Ribhoi District bah Pynshai Masharing bad ki para dkhot na bhoirymbong block .
Ki nongri sniang ki la pyn sngew ba ka jingshah kniot ha ka dor ba die sniang bad ka jingbymlah shuh ban pynaiaid iew kum ha ki snem bala leit ka lanwan rah jingeh ia ki nongrep bad nongri jingri kiba shaniah ia ka bai skul ha kane ka kam .
Ka jing bym lah shuh ban siew ia ka ram / loan na bank ka py duh thiah ia ki nongri jingri bad ki nongrep.
Ka jingrem ka bam skop sniang ki dawai dashin bad ka jinghitom ban py heh ia ki sniang namar ka klam kaba wan khari² kane ka la ktah shisha ia u nongrep uba im sngi ha ka ri jingri.
Kumta kane ka meeting mynta ka sngi ka la rai ban leit pyn sngew ia kine ki jingeh sha ka Sorkar lyngba u Minister jong Animal Husbandry bad vetirinery jong ka sorkar jylla.
Kumta ki nongri ki la pyn sngew ba la da ka sorkar kam iarap ha kum kane kane ka por ba ki ia kynduh jingeh kane kan pynduh mynsiem ia ka ing jong u nongrep bad kan poi ka por ba ki hap wat ban pynpep skul noh ruh ia ki khun .