Shillong, 4 Jymmang: Ka Meghalaya Board of School Education (MBOSE) ka la pynbna ïa ka merit list jong ka jingïakhun eksamin Higher Secondary School Leaving Certificate (HSSLC) 2026, ha kaba ka Meghashree Roy na St. Mary’s Higher Secondary School, Shillong ka la wan ha ka kyrdan ba nyngkong da kaba ïoh 457 marks.
U Joziah Daman Laloo na St. Anthony’s Higher Secondary School, Shillong u la wan ba ar da 452 marks, katba ka Nakisakahuni M Pakyntein, ruh na St. Anthony’s Higher Secondary School, ka la wan balai da 446 marks.
Ka Felicia Chinglalven na St. Edmund’s Higher Secondary School, Shillong ka la wan ba saw da 441 marks, katba ka Swastika Giri na Little Star Higher Secondary School, Baridua ka la wan ba san da 440 marks.
Ha ka kyrdan ba hynriew, ka Sushmita Shankhar na Auxilium Girls’ Higher Secondary School, Shillong ka la ïoh 439 marks, katba u Damewanbha Majaw na St. Anthony’s Higher Secondary School u la wan ba hynñiew da 437 marks.
U Biraj Bhattacharjee na St. Edmund’s Higher Secondary School u la wan ba phra da 434 marks, katba u Starwell Ronghang na St. Paul’s Higher Secondary School, Nongpoh u la wan ba khyndai da 433 marks.
Ha ka kyrdan ba shiphew, ka K. Gwyneth Wanrilang Rymbai na St. Edmund’s Higher Secondary School, Shillong bad ka Mewarica Pariat na North Liberty Higher Secondary School, Mookyrdoop-Jowai ki la ïa bynta lang da kaba ïoh mar 431 marks.
