Shillong, Naitung 19 – Ha ka jingjied elekshon President ba 16th jong ka Ri India kaba la long myn ha ka 19 tarik u Naitung 2022 ha ka Ri baroh kawei ha kaba ki MP bad ki MLA kin thep ia ka vote jong ki hala ka jong ka jong ka jylla bad ki MP ki thep ha parliament.
Na ki 60 ngut ki MLA ha Meghalaya ba wan thep Ki poi 56 ngut bad uwei u MP Rajya Sabha u Dr. W.R. Kharlukhi.
Ka jingthep Vote President ba 16 jong ka Ri ha Meghalaya la pynlong , ha Rilbong ia kaba la sdang naduh 10 baje mynstep haduh 4 baje noh phai sngi.
Ki MLA Kiba Jah ban wan thep vote Ki dei U Ma Shitlang Pale, James K. Sangma Myntri sorkar MDA U Ma Sniawbhalang Dhar, U Marathon Sangma nàmar ka ban ka jingshitom.
Ka ophis jong ka Meghalaya Legislative Assembly kaba la pynbit pynbiang ia ki jingdon kam baroh na ka bynta ka election ban jied president hapoh ka jingpeit jong ka tnad elekshon jong ka Election Commission jong ka Ri India.Ka synduk thep vote kaba la poi na Delhi sha ka jylla la buh bha ia ka hapoh ka kamra kaba kyrpang jong ka Assembly bad la ap phara, da ki bor pulit ban peit bad mynta ka Sngi yn kit biang Sha Delhi; na ka bynta ka jingniew vote ka ban long la 21 tarik u Naitung.
Na ka Liang Ki nongialam bad Ki dkhot ka iing Dorbar Thaw Ain bad ka Sorkar MDA la Sakhi ba Ki kyrshan ia ka Kyrtong Draupadi Murmu ba pynieng da ka Sorkar NDA ha ka jingialam ka BJP.
Ha Meghalaya ka Sorkar MDA kaba don bun paid Ki kham Noh mynsiem ia ka Longkmie Riewlum katba Ki Dkhot Liang Pyrshah ki kyrshan ia U Yashwant Sinha ba pynieng da ka AITC.
Hadien ba la dep jingthep Vote President Ki nongialam Seng Sain Pyrthei Kiba kynthup ia U Çonrad K. Sangma , u Bah P.T. Sawkmie MLA ka Mawlai ki la don ka jingpynsngew ia ka khubor ba sngewtynnad ia ka Sorkar MDA bad NDA kaba la wànrah ia ka Draupadi Murmu ban long ka kyrtong kynthei na ki Jaidbynriew Riewlum, ka long ka jingmyntoi bad jingiamon Lang Ki MLA ka Synshar ban jied.