Shillong, Nailur 05:Ka Sorkar kala dep shim rai ban pyndam noh shisyndon ia ka Umngot Hydro Electric Project ba 210 Megawatt hadien ka jingpyrshah kaba jur na ki paidbah ka Ri-lum Khasi bad Jaintia iathuh U Symbud Myntri Rangbah ka Jylla Bah Prestone Tynsong ha ka jingiakynduh ha ki lad pathai khubor ha Shillong.
U bah Prestone Tynsong u iathuh kane ka project kala duh kala dam, kam mih shuh namar ngi la dep ban pyndam ia ka. Haba ong ba ngi la pyndam ka mut ba kam don shuh ka Expression of Interest (EOI) jong kane ka Project, kaba mut ba kala kut syndon” pynsngew u Myntri ka Tnad Pynmih Bording.
Ka jingdawa jong ka Joint Action Committee against Umngot Hydro Electric Project ban pynmih da ka jingthoh ia ka rai jong ka Sorkar Jylla ka la Shai lypa bynrap U bah Prestone Tynsong.
U Bah Prestone Tynsong U la kren shai kdar ba ka JAC kala wan bad iakynduh ia U . balei ba ym lah ban pyndonkam ia ka ktien pyndam bad khang noh hynrei nga la ong ba la pyndam bad la pynkut ia ka.
Ka sorkar ka dang pynmih ia ka EOI, ka mut ba ka Sorkar ka dang thmu ban khot biang ia ki kompani ban iasoi MoU hynrei nga la kren shai ba ngim don jignthmu shuh ban pyntrei ia ka Umngot Project” ula ong.
Hynrei ha kawei pat ka liang, u Symbud Myntri Rangbah ula ong ba ym don pat ba lah ban batai ba kane ka project kan kut kan dam noh shirta.