Shillong Nailar 15: Ka jylla Meghalaya ryngkat bad ka ri India hi baroh kawei, hynne ka 15 tarik u Nailar ka la rakhe ia ka sngi ioh jinglaitluid jong ka Ri ne ka Independence Day kaba 75, ha kaba u Myntri Rangbah ka jylla u Conrad K Sangma u la pynher iaka lama jong ka Ri bad shim ruh iaka Rashtriya Salute ia ki kynhun kiba iashim bynta ha ka Parade kaba la long ha madan Polo, Shillong.
Ha jingdap 75 snem U Conrad Sangma u la ong, ka jingioh jinglaitluid ka ri dei ban kynmaw ia ki riewshlur kiba la len ia la ka jingim bad mad ia kiba bun ki jingeh, kila iakhun pyrshah ia ki phareng naduh u Mahatma Gandhi, Jawaharlal Nehru, Subash Chandra Bose, Sadar Vallabhai Patel, Bhagat Singh bad kiwei kiwei kiba la iakhun ban pynthikna baka ri kan ioh iaka jinglaitluid.
Ha ka 4 tarik u Iaiong 1829 u Syiem ka Hima Nongkhlaw u Tirot Sing u la hiar thma ia ki phareng da kaba lum ia ki Khasi bad haka 12 tarik u Nohprah 1872 u Pa Togan ula ialam ia ki paid Garo ban iakhun pyrshah ia ki phareng bad haka 18 tarik u Kyllalyngkot 1862 u Kiang Nangbah ula ialam ia ki paidbah ka rilum Jaintia ban iakhun pyrshah ia ki phareng bad kine ki nongialam jong ka jylla, kila iakhun pyrshah ia ki phareng bad kila len iala ka jingim naka bynta ka ri la ong U Çonrad.
Bun ki nongialam bad ki seng sain pyrthei kila buh haka Manifesto ka jongki ba kin pynbeit ia u pud u sam bad kila pyrshang ruh ban leh eiei halor kane U Çonrad U ai khublei ia ki, hynrei kadei kane ka sorkar kaba la shim tam ia ki sienjam ban lah ban pynbeit ia u pud u sam uba la sahteng la bun snem.
U Myntri Rangbah u la kren ruh halor kiwei kiwei ki phang ha kane ka jingialang ia kaba ka sorkar kala leh ha kine ki 4 snem shiteng.